Anouk Aimée

Anouk Aimée
Dinasyddiaeth	Ffrainc

Actores Ffrengig oedd Nicole Françoise Florence Dreyfus (27 Ebrill 1932 – 18 Mehefin 2024), a elwir yn broffesiynol fel Anouk Aimée. Ymddangosodd mewn 70 o ffilmiau rhwng 1947 a 2019. Er mai Ffrangeg oedd mwyafrif ei ffilmiau, fe wnaeth hi hefyd ffilmiau yn Sbaen, Prydain Fawr, yr Eidal a'r Almaen, ynghyd â rhai cynyrchiadau Americanaidd.

Cafodd ei geni ym Mharis, yn ferch i'r actor Henri Murray a'r actores Geneviève Sorya. Roedd ei thad yn Iddewig, tra bod ei mam yn Gatholig. Cafodd ei magu yn Gatholig ond yn ddiweddarach trosodd i Iddewiaeth fel oedolyn. Cafodd ei haddysg foreuol le yn l'École de la rue Milton, ym Mharis; École de Barbezieux; Pensionnat de Bandol; ac Institution de Megève. Yn ystod yr Ail Ryfel Byd bu'n ddisgybl yn Ysgol Mayfield, Dwyrain Sussex, ond gadawodd cyn sefyll yr arholiadau terfynol. Ar ôl dechrau ei gyrfa ffilm yn 14 oed, astudiodd actio a dawns yn ei blynyddoedd cynnar. Astudiodd theatr yn Lloegr, ac wedyn astudiodd gelf a dawns ddramatig gydag Andrée Bauer-Thérond.

Ymhlith ei ffilmiau mae La dolce vita (1960) Federico Fellini, ac ar ôl hynny fe'i hystyriwyd yn "seren gynyddol a ffrwydrodd" i fyd y ffilm. Wedi hynny bu’n actio yn 8½ (1963) gan Fellini, Lola gan Jacques Demy (1961), Justine gan George Cukor (1969), La tragedia di un uomo ridicolo gan Bernardo Bertolucci (1981) a Prêt à Porter gan Robert Altman (1994). Enillodd Wobr Golden Globe am yr Actores Orau mewn Motion Picture - Drama a Gwobr BAFTA am yr Actores Orau a chafodd ei henwebu am Wobr yr Academi am yr Actores Orau am ei hactio yn A Man and a Woman (1966). Fe wnaeth y ffilm "bron i ailgynnau'r rhamant ffrwythlon ar y sgrin mewn cyfnod o foderniaeth amheus," a daeth ag enwogrwydd rhyngwladol iddi.