Amser haf

Oddi ar Wicipedia
Jump to navigation Jump to search
Diagram of a clock showing a transition from 02:00 to 03:00
Cloc yn cyfleu'r weithred o droi'r cloc ymlaen.

Amser haf (neu amser arbed golau dydd) yw'r arfer o droi'r cloc ymlaen yn ystod misoedd yr haf fel ei bod yn olau yn hwyrach yn y dydd. Yn gyffredinol, mae rhanbarthau sy'n defnyddio amser i arbed golau dydd yn troi'r clociau ymlaen awr yn agos at ddechrau'r gwanwyn ac yn eu troi yn ôl yn yr hydref.[1] Felly mae arbed golau dydd yn golygu awr yn llai o gwsg yn y gwanwyn ac awr ychwanegol o gwsg yn yr hydref.[2][3]

George Hudson gynigiodd y syniad o arbed golau dydd ym 1895[4] ac yn yr Ymerodraeth Almaenig ac Awstria-Hwngari y gweithredwyd ef ar lefel genedlaethol am y tro cyntaf, gan ddechrau ar Ebrill 30 1916. Mae llawer o wledydd wedi'i ddefnyddio ar wahanol adegau ers hynny, yn arbennig ers argyfwng ynni'r 1970au . Yn gyffredinol, nid yw arbed golau dydd yn cael ei weithredu ger y cyhydedd, lle nad yw amserau'r haul yn amrywio digon i'w gyfiawnhau. Mae rhai gwledydd yn ei weithredu mewn rhai rhanbarthau yn unig; fe'i gweithredir yn Ne Brasil, er enghraifft, er nad yw Brasil cyhydeddol yn gwneud hynny.[5] Lleiafrif o boblogaeth y byd sy'n ei ddefnyddio, am nad yw'r rhan fwyaf o Asia ac Affrica yn ei weithredu.

Mae troi'r cloc i amser haf yn cymhlethu cadw amser ac yn gallu tarfu ar deithio, bilio, cadw cofnodion, dyfeisiau meddygol, offer trwm,[6] a phatrymau cwsg.[7] Mae meddalwedd gyfrifiadurol yn aml yn addasu clociau'n awtomatig, ond gall newidiadau polisi gan wahanol awdurdodaethau o ran dyddiadau ac amserau gweithredu'r arbed golau dydd achosi dryswch.[8]

Cyfeiriadau[golygu | golygu cod y dudalen]

  1. Arferion a dadleuon DST:
  2. "Daylight Saving Time "fall back" doesn't equal sleep gain". Harvard Health Publishing. November 2013. https://www.health.harvard.edu/blog/daylight-saving-time-fall-back-doesnt-equal-sleep-gain-201311016836.
  3. "Adjusting to Daylight Savings Time". http://www.medicalwesthospital.org/daylight-savings-time.php.
  4. Nodyn:DNZB
  5. "Decretos sobre o Horário de Verão no Brasil" (yn Portuguese). Time Service Dept., National Observatory, Brazil. September 16, 2008. http://pcdsh01.on.br/DecHV.html.
  6. Peter G. Neumann (1994). "Computer date and time problems". Computer-Related Risks. Addison–Wesley. ISBN 978-0-201-55805-0. 
  7. Tuuli A. Lahti; Sami Leppämäki; Jouko Lönnqvist; Timo Partonen (2008). "Transitions into and out of daylight saving time compromise sleep and the rest–activity cycles". BMC Physiology 8: 3. doi:10.1186/1472-6793-8-3. PMC 2259373. PMID 18269740. http://www.pubmedcentral.nih.gov/articlerender.fcgi?tool=pmcentrez&artid=2259373.
  8. Stephen Tong; Joseph Williams (2007). "Are you prepared for daylight saving time in 2007?". IT Professional 9 (1): 36–41. doi:10.1109/MITP.2007.2.