Teisen gri

Oddi ar Wicipedia
Neidio i: llywio, chwilio
Teisennau cri

Danteithyn traddodiadol o Gymru yw teisen gri. Mae'n cael ei adnabod wrth sawl enw arall, yn cynnwys cacen gri (yn y Gogledd), picau ar y maen neu pice bach (yn y De), a weithiau teisen radell.

Yn draddodiadol, arferir coginio teisennau cri ar ridell haearn bwrw wedi ei osod ar y tân neu ar y stôf.

Prif gynhwysion y deisen yw blawd, menyn neu saim, wyau, siwgr, a chyrens a/neu rhesin. Maent yn cael eu mowldio ar ffurf gron, ychydig o fodfeddi o led a thua hanner modfedd dwfn.

Gellir eu gosod ar y bwrdd yn boeth neu'n oer, wedi'u taenu â swigr caster. Fel arfer mae pobl yn hoff o'u bwyta fel y maent neu gyda mymryn o fenyn. Mae nhw'n amheuthun gyda paned o de.

Fel pob bwyd traddodiadol, ceir sawl amrywiad, yn cynnwys y Llech Cymreig a wneir gyda blawd plaen a'r deisen yn slaben ("llech") hirsgwar a goginir ar ridell.

Dolenni allanol[golygu]

  • (Saesneg) BBC