Llyn Débo

Oddi ar Wicipedia
Neidio i: llywio, chwilio
Ynys dros dro yng nghanol Llyn Débo

Llyn mawr yng nghanolbarth Mali, gorllewin Affrica, a ffurfir gan orlifiad tymhorol Afon Niger yw Llyn Débo.

Ar ei fwyaf, ar ôl i'r Niger orlifo mae Llyn Débo yn gorwedd tua 80 km o ddinas Mopti a thua 240 km o Tombouctou (Timbuktu). Dyma'r mwyaf o sawl llyn tymhorol a gwlybdir ym Mali sy'n ffurfio Delta Mewndirol Afon Niger, a'r llyn mwyaf ym Mali. Mae ei arwynebedd yn lleihau yn sylweddol yn y tymor sych, o fis Medi hyd Mawrth.

Mae'r pobloedd Bozo yn pysgota ar y llyn yn y tymor gwlyb tra bod y bobl Fula yn arfer amaeth a hwsmonaeth ar ei lannau yn y tymor sych.

Mae'r llyn yn arosfan bwysig i adar mudol, ac mae wedi cael ei ddynodi yn safle arbennig i'r adar hynny gan UNESCO.