Hogia'r Wyddfa

Oddi ar Wicipedia
Neidio i: llywio, chwilio
Yr hogiau yn Eisteddfod Genedlaethol 2009.
Hogia'r Wyddfa gydag Annette Bryn Parri 2006

Grŵp adloniant Cymraeg yw Hogia'r Wyddfa. Maen nhw wedi bod yn perfformio mewn cyngherddau a nosweithiau o adloniant ar hyd a lled Cymru a'r tu hwnt am dros hanner can mlynedd.

Er bod Hogia’r Wyddfa wedi ymddeol droeon, mae nhw wedi ail-ffurfio sawl tro i berfformio. Cyhoeddwyd eu recordiau cynharaf gan Recordiau'r Dryw gan gynnwys caneuopn fel Safwn yn y Bwlch, Tylluanod ac Aberdaron. Ers recordio’u halbwm cyntaf gyda Sain yn 1974, maen nhw wedi recordio sawl un arall, a phob un yn llwyddiant ysgubol o ran gwerthiant. Roedd Hogia'r Wyddfa ymhlith y cyntaf o artistiaid Sain i dderbyn Disg Aur.

Aelodau[golygu]

Cyn ymddeol, Prifathro oedd Arwel Jones, tra bod Myrddin Owen yn gweithio yn Adran Cynllunio Cyngor Dwyfor, Vivian Parry yn rhedeg ei siop Golff ym Mangor ac Elwyn Jones yn gweithio yn Amgueddfa Chwarel Dinorwig. Bu farw Richard Huw Morris eu cyfeilydd cyntaf, ond fe ymunodd Annette Bryn Parri fel pianyddes, cyfansoddwraig a threfnydd.