Gwefan rhwydweithio cymdeithasol yw Facebook, yn debyg i Bebo a MySpace. Yn anffurfiol, defnyddir yr enw Gweplyfr arno yn y Gymraeg.
Cynnwys |
[golygu] Hanes
Pan lansiwyd Facebook yn 2004 gan Mark Zuckerberg, roedd aelodaeth wedi ei gyfyngu i fyfyrwyr Prifysgol Harvard, ac yna fe ehangwyd i sawl prifysgol yn yr Unol Daleithiau. Yn raddol ehangwyd aelodaeth i unrhyw un oedd â chyfeiriad e-bost sefydliad addysgol (e.e. .edu, .ac.uk, ayyb) ar draws y byd, nes yn 2006 pan agorwyd y wefan i unrhyw berson.
[golygu] Achos llys
Yn 2007 aed a Mark Zuckerberg i'r llys gan gwmni ConnectU.com gan honni ei fod wedi dwyn eu syniad nhw am y wefan, ac wedi oedi datblygiad eu gwefan nhw'n fwriadol wrth weithio iddynt yn 2003[1]. Nid oes dyfarniad wedi bod i'r achos llys hyd yma.
[golygu] Nodweddion
- Y mae'n rhaid i chi gofrestru â Facebook cyn i chi gael mynediad i'r wefan.
- Y gallwch ddewis ymuno â rhwydweithiau a seilir ar leoliad daearyddol (gwladwriaeth, gwlad neu ddinas), sefydliad addysg neu gyflogwr.
[golygu] Ieithoedd Facebook
Yn 2008 fel rhan o ddatblygiad Facebook ychwanegwyd rhaglen a rhoddodd y gallu i gyfieithu'r Safle. Mae Facebook bellach ar gael yn yr ieithoedd canlynol:
- Cymraeg
- Saesneg
- Sbaeneg
- Catalaneg
- Norwyeg
- Almaeneg
- Tsieceg
- Tsieinëeg
- Daneg
- Ffineg
- Eidaleg
- Iseldireg
- Pwyleg
- Rwsieg
- Swedeg
- Tyrceg
- Portiwgaleg (Brasil)
- Siapaneg
- Coreeg
[golygu] Preifatrwydd a diogelwch
Cafwyd sawl cwyn am ddiffyg preifatrwydd ar Facebook. Yn 2010, datgelwyd bod nifer o applications fel gemau ar Facebook yn hel gwybodaeth bersonol a bod rhai yn ei phasio ymlaen i gwmniau eraill. Roedd hyn yn digwydd hyd yn oed ar ôl i'r defnyddwr Facebook ddewis i lefel diogelwch gwybodaeth uchaf. Roedd y wybodaeth a "ffermwyd" felly yn cynnwys enwau go iawn, cyfeiriadau a gwybodaeth bersonol arall. Ym mis Hydref 2010, ar ôl wynebu bygythiad o gael achos llys yn ei erbyn yn yr Unol Daleithiau, mynnodd Facebook ei bod wedi cymryd camrau i atal hynny.[2]
[golygu] Cyfeiriadau
- ↑ (Saesneg) Facebook site faces fraud claim.
- ↑ "Facebook applications raise new privacy concerns again", ar wefan European Digital Rights, 20.10.2010.
