Edwin Morris

Oddi ar Wicipedia
Neidio i: llywio, chwilio

Roedd Alfred Edwin Morris (8 Mai 1894 - 19 Hydref 1971) yn Archesgob Cymru o 1957 hyd 1967.

Ganed ef yn Lye yng nghanolbarth Lloegr yn fab i Alfred Morris a Maria Lickert. Gadawodd yr ysgol yn ddeuddeg oed i fynd i weithio yng musnes genwaith ei dad. Pan benderfynodd yn ddiweddarach fod arno eisiau bod yn offeiriad, awgrymodd y ficer lleol, oedd yn Gymro, ei fod yn astudio yng Ngholeg Dewi Sant, Llanbedr.

Wedi graddio o Lanbedr bu'n astudio ymhellach yng Ngholeg Sant Ioan, Rhydychen. Dychwelodd i Lanbedr fel Athro Hebraeg a Diwinyddiaeth, ac yn 1942 bu'n faer y dref.

Yn 1945 etholwyd ef yn Esgob Mynwy, yna yn 1957 yn Archesgob Cymru. Yn ystod ei gyfnod fel Archesgob bu rhywfaint o ddadlau ynglyn a'r iaith Gymraeg; ni ddysgodd Gymraeg ac roedd teimlad nad oedd ganddo lawer o gydymdeimlad a'r iaith. Ymddeolodd yn 1967, a bu farw yn Llanbedr yn 1971.

Llyfrau[golygu]

  • The Church in Wales and Nonconformity (1949)
  • The Problem of Life and Death (1950)
  • The Catholicity of the Book of Common Prayer (1952)
  • The Christian Use of Alcoholic Beverages (1961)
Rhagflaenydd :
John Morgan
Archesgob Cymru
Edwin Morris
Olynydd :
William Glyn Hughes Simon