Acre, Israel

Oddi ar Wicipedia
Neidio i: llywio, chwilio
Acre

Dinas yng ngorllewin Galilea yng ngogledd Israel yw Acre (Hebraeg: עַכוֹ, Akko; Arabeg: عكّا, ʻAkkā). Saif ar benrhyn ar ochr ogleddol Bae Haifa, ac roedd y boblogaeth yn 46,000 yn 2007.

Mae Acre yn un o ddinasoedd hynaf Israel, ac oherwydd ei safle strategol bwysig mae llawer o ymladd wedi bod yma. Roedd yn safle bwysig yn ystod y Croesgadau ac yn un o gaerau pwysicaf Teyrnas Jeriwsalem; daeth y deyrrnas i ben pan gipiwyd Acre gan y Mwslimiaid yn 1291.