Trefor Selway

Trefor Selway
Ganwyd	1931  Pandy Tudur
Bu farw	25 Chwefror 2018
Dinasyddiaeth	Cymru
Galwedigaeth	actor, athro

Actor a diddanwr oedd Trefor Selway (1931 – 25 Chwefror 2018). Roedd yn athro yn y 1950au ac yn yr 1980au daeth yn actor llawn amser.

Bywyd cynnar ac addysg

Ganwyd Selway ym Mhandy Tudur, Sir Conwy a magwyd yn ardal Penygroes. Astudiodd yng Ngholeg y Normal, Bangor.

Gyrfa

Bu'n athro ac yna'n brifathro yn Eglwysbach, Ysgol Glanadda ym Mangor ac Ysgol Deganwy. Yn ystod y cyfnod yma roedd hefyd yn actio ar radio ac ar lwyfan.

Yn yr 1980au cynnar, aeth i weithio fel actor yn llawn amser. Bu'n cyflwyno'r rhaglen Noson Lawen ar y radio a cyflwynodd y rhifyn teledu cyntaf o'r gyfres Noson Lawen ar S4C.

Bywyd personol

Roedd yn briod a Liz ac roedd ganddynt ddau o blant, Alwen ac Owain a berfformiodd fel deuawd yn y 1960au. Bu farw Owain Selway ar 16 Rhagfyr 2005 wedi tân difrifol yn ei dŷ yn Eglwysbach. Fe'i achubwyd o ystafell wely gan swyddogion tân ac fe'i gludwyd i Ysbyty Glan Clwyd lle bu farw yn ddiweddarach. Roedd hyn yn dilyn tân yn ei dŷ yn Eglwysbach.

Roedd wedi bod yn dioddef o glefyd lymffoma a bu farw yn yr ysbyty yn 86 oed.

Gwaith

Teledu

• Dawn Dweud - perfformiwr ar y sioe adloniant (1985–1989)
• Breian - comedi sefyllfa (1989–1990)
• Porc Peis Bach
• Yr Heliwr (1991)
• Paradwys Ffŵl (1993)
• Y Palmant Aur fel William Jones (1996–1997)
• Hafod Haidd fel Evan (1998–1999)

Ffilm

• Stormydd Awst (1988)
• Wild Justice fel Samuel Hughes (1994)
• Y Mynydd Grug (1997)
• Oed yr Addewid (2002)

Dolenni allanol

• Trefor Selway ar wefan Internet Movie Database