Daniel Jones (Mormon)

Daniel Jones
Ganwyd	4 Awst 1811  Abergele
Bu farw	3 Ionawr 1861
Dinasyddiaeth	Cymru
Galwedigaeth	cenhadwr

Clawr Prophwyd y Jubili, un o gylchgronnau Daniel Jones; cyhoeddwyd ym Merthyr Tydfil.

Un o arweinwyr y Mormoniaid yn Unol Daleithiau America oedd Daniel Jones (4 Awst 1811 - 3 Ionawr 1861) o Abergele. Wedi iddo ymfudo i America cafodd waith fel cychwr, a chafodd droedigaeth tra roedd wrth ei waith yn cludo credinwyr y grefydd honno mewn cwch a oedd dan ei ofal.

Roedd gyda Joseph Smith (23 Rhagfyr 1805 – 27 Mehefin 1844), sefydlydd Mudiad Saint y Dyddiau Diwethaf (neu'r 'Mormoniaid) pan lofruddiwyd ef. Y flwyddyn ddilynol dychwelodd Jones i Gymru yn genhadwr Mormonaidd. Gwnaeth Ferthyr Tydfil yn ganolfan y sect a chyhoeddodd gyfnodolyn misol, gan gynnwys Prophwyd y Jubili. Hwyliodd o Lerpwl ar 26 Chwefror, 1849, gyda 249 o Gymry, a bu'n gofalu amdanynt ar y daith ar draws y gwastadeddau gan gyrraedd Salt Lake City ar 26 Hydref 1849 gyda'r fintai yn teithio mewn 25 o wagenni caeedig. Ym mis Awst 1852 dychwelodd ar ail daith genhadol, ac yn 1856 aeth â 703 o 'seintiau Cymreig' i Salt Lake City. Treuliodd weddill ei oes yn gapten ar Lyn Great Salt. Bu farw 3 Ionawr 1861, gan adael tair gwraig a chwech o blant.

Ffynonellau

• Yr Athro Emeritus David Williams, D.Litt., (1900-78), Aberystwyth
• Latter Day Saints Biographical Encyclopedia. A Compilation of Biographical Sketches of Prominent Men and Women in the Church of Jesus Christ of Latter-Day Saints, Salt Lake City, 1901-36
• Theirs is the Kingdom, Wendell J. Ashton; Salt Lake City, 1945 (Salt Lake City, 1945 );
• The Welsh Mormons gan David Williams yn The Welsh Review, 1948 .

Dolenni allanol

• (Saesneg) Mormoniaid Cymreig cynnar Archifwyd 2017-12-27 yn y Peiriant Wayback. ar wefan welshmormonhistory.org
• Sganiwch 1852 cyfieithiad Cymraeg o Lyfr Mormon