Zakopane

Golygfa ar Zakopane yn y gaeaf gyda'r Tatra Uchel yn y cefndir.

Tref yn ne Gwlad Pwyl yw Zakopane. Gyda phoblogaeth o 28,000 (2004), fe'i lleolir yn Nhalaith Gwlad Pwyl Leiaf (Małopolska). Mae'r dref, sy'n adnabyddus fel canolfan gwyliau a chwaraeon gaeaf, yn gorwedd yn rhan ddeheuol rhanbarth Podhale wrth droed mynyddoedd y Tatra Uchel, cadwyn uchaf mynyddoedd y Carpatiau, yn agos i'r ffin â Slofacia.