Ystrad Ffin

Oddi ar Wicipedia
(Ailgyfeiriad oddi wrth Ystradffin)
Jump to navigation Jump to search

Pentref bychan yng ngogledd Sir Gaerfyrddin yw Ystrad Ffin (hefyd Ystradffin). Fe'i lleolir tua 10 milltir i'r gogledd o dref Llanymddyfri ar ffordd fynydd sy'n arwain o Randir-mwyn i gyfeiriad Llyn Brianne ym mryniau Elenydd.

Hanes a thraddodiadau[golygu | golygu cod y dudalen]

Mae'n rhan o blwyf eglwysig Llanfair-ar-y-bryn. Yn y cyffiniau ceir Ogof Twm Siôn Cati neu 'Stafell Twm' yn lleol. Ceir hen rigwm am gampau honedig Twm yn yr ardal:

Mae llefen mawr a gweiddi
Yn Ystrad Ffin eleni,
A'r cerrig nadd yn toddi'n blwm
Gan ofon Twm Siôn Cati.[1]

Cysylltir yr ardal a hanes cynnar Methodistiaeth hefyd. Roedd Daniel Rowland yn arfer pregethu yno o bryd i'w gilydd. Yma y ceir Capel Ystrad Ffin. Cyplysir y ddau ym marwnad Daniel Rowland gan Williams Pantycelyn:

Daeth y sŵn dros fryniau Dewi
Megis fflam yn llosgi llin,
Nes dadseinio Creigiau Tywi,
A hen gapel Ystrad Ffin.[2]

Cyfeiriadau[golygu | golygu cod y dudalen]

  1. Aneirin Talfan Davies, Crwydro Sir Gár (Llyfrau'r Dryw, Llandybie, 1955; ail argraffiad 1977), tud. 63.
  2. Crwydro Sir Gár, tud. 207.


CymruCaerfyrddin.png Eginyn erthygl sydd uchod am Sir Gaerfyrddin. Gallwch helpu Wicipedia drwy ychwanegu ato