Ynys Komsomolets
Jump to navigation
Jump to search
Ynys yn perthyn i Rwsia oddi ar arfordir gogleddol Siberia yw Ynys Komsomolets (Rwseg: остров Комсомолец). Hi yw'r fwyaf gogleddol o ynysoedd Severnaya Zemlya. Mae tua 146 km o hyd a 113 km o led, gydag arwynebedd o 9,006 km². Nid oes poblogaeth barhaol arni. Yn weinyddol, mae'r ynys yn rhanbarth Crai Krasnoyarsk.
Gorchuddir tua 65% o'r ynys gan rew, gan gynnwys maes rhew mwyaf Rwsia. Enwyd yr ynys gan y fforwyr Rwsaidd Georgy Ushakov a Nikolay Urvantsev yn 1930-32, er anrhydedd i aelodau'r Komsomol, yr "Undeb Comiwnyddol Ieuenctid". Yn ddiweddar, bu ymgyrch i geisio newid yr enw i Svyataya Mariya ("Santes Fair").