Ynys (band)

Oddi ar Wicipedia
Neidio i'r panel llywio Neidio i'r bar chwilio
Data cyffredinol
Enghraifft o'r canlynolband Edit this on Wikidata
Genrecerddoriaeth boblogaidd, synthpop Edit this on Wikidata
Ynys yn perfformio yn nhafarn Y Cŵps, Aberystwyth

Band pop o Aberystwyth yw Ynys. Prif leisydd a symbylydd y grŵp yw Dylan Hughes bu gynt yn aelod o'r grwpiau Radio Luxembourg a newidiodd eu henw wedyn i Race Horses ac yna, Endaf Gremlin. Mae eu caneuon yn gwneud defnydd o'r syntheseinydd a disgrifir eu caneuon fel "haenog a melodig" [1] Mewn cyfweliad i bapur bro Aberystwyth, Yr Angor, disgrifia Dylan Hughes y gerddoriaeth fel, "pop amgen o'r un brethyn ag ELO, Elliot Smith, Teenage Fanclub, a Gorky's Zygotic Mynci." Disgrifiwyd y sain gan eraill fel "Cyfoethog ac yn sinematig ei naws ond eto i gyd yn fachog ac yn hawdd gwrando arno. Gan ddefnyddio synths diddorol o’r 80au a haenau o gitarau ‘jangli’ a lleisiau hyfryd sydd yn harmoneiddio yn gelfydd," Bu’r band yn perfformio set byw ar sioe boblogaidd a dylanwadol, Mark Riley ar BBC Radio 6 Music. Bu un o’r senglau oddi ar yr albwm Ynys, sef ‘Môr Du’, yn 'Trac yr Wythnos' ar BBC Radio Cymru ym mis Hydref 2022.[2]

Hanes[golygu | golygu cod y dudalen]

Ffurfiwyd y band yn 2019 pan bu i Hughes a ddau ffrind a chyn-aelodau Race Horses, Gwion Llewelyn a Mali Llywelyn, recodio caneuon yn stiwdio Iwan Morgan yn Lerpwl sydd wedi recordo grwpiau eraill i Label Libertino.[3] Mewn cyfweliad i bapur bro Aberystwyth, Yr Angor, esboniodd Dylan sut iddo gael awydd recordio caneuon newydd a meddwl 'beth yw'r gwaethaf gall ddigwydd?". Penderfynodd Dylan Hughes beidio recordio o dan ei enw ei hun ac mae'n "falch iawn i mi ddewis Ynys o edrych yn ôl ar rai o'r syniadau eraill!".

Aelodau[golygu | golygu cod y dudalen]

Mae sawl gwahanol cerddor wedi cydweithio a recordio gyda'r grŵp:

Dylan Hughes - gitâr, syntheseinydd, piano, llais
Gwion Llewelyn - dymiau, llais, offer taro, girâr
Matthew Fry - gitâr fâs
Mali Llywelyn - telyn, llais
Eifion Austin - gitâr fâs
Siôn Rhys Jones - gitâr
Aled Evans - drymiau
Frank Naughton - offer taro
Heledd Watkins - gitâr fâs
Tara Bethan - allweddellau a llais

Disgograffi[golygu | golygu cod y dudalen]

Ymysg caneuon mwyaf adnabyddus y grŵp mae Caneuon Mae'n Hawdd, Aros am Byth, a Môr Du. Ym mis Medi rhyddhawyd fideo Newid gan Lŵp.[4]

Senglau[golygu | golygu cod y dudalen]

  • Caneuon
  • Mae'n Hawdd Label Libertino, 2019
  • Aris am Byth

Albwm[golygu | golygu cod y dudalen]

  • Ynys - Label Libertino, 2022[5]

Fideos[golygu | golygu cod y dudalen]

Dolenni allanol[golygu | golygu cod y dudalen]

Cyfeiriadau[golygu | golygu cod y dudalen]

  1. "Gadael sŵn y ddinas ar ôl". Golwg. 20 Hydref 2022.
  2. "Gigs Cantre'r Gwaelod: Dychwelyd gyda dau gig o safon cyn diwedd 2022". Gwefan newyddion BroAber360. 24 Hydref 2022.
  3. ""Welsh music is not a genre." Welsh artist Ynys chats to Northern Soul". Northern Soul. 21 Awst 2019.
  4. "Ynys - Newid". Sianel Lŵp ar Youtube. 2022.
  5. "Ynys". Bandcamp. 2022.