Ymddiriedolaeth y BBC
 | |
| Enghraifft o: | sefydliad  |
|---|---|
| Daeth i ben | 2 Ebrill 2017 |
| Dechrau/Sefydlu | 1 Ionawr 2007 |
| Rhagflaenydd | Board of Governors of the BBC |
| Olynydd | BBC Board |
| Pencadlys | Llundain |
| Gwefan | http://www.bbc.co.uk/bbctrust |
| Dynodwyr | |
| Freebase | /M/0ckpr3 |
 Ffeiliau perthnasol ar Gomin Wicimedia | |
Ymddiriedolaeth y BBC (Saesneg: BBC Trust) oedd corff penderfynu’r Corfforaeth Ddarlledu Brydeinig, BBC, rhwng 2007 a 2017. Roedd yn annibynnol ar gyrff rheoli a gweithredol, a’i nod oedd gweithredu er budd gwylwyr a oedd yn talu ffi’r drwydded deledu.
Hanesyddol
[golygu | golygu cod]Crëwyd yr Ymddiriedolaeth trwy Siarter Frenhinol ar 1 Ionawr 2007, gan ddisodli Bwrdd y Llywodraethwyr.
Yn hwyr yn 2012 roedd Ymddiriedolaeth y BBC wedi ei siglo pan ddatgelodd y wasg fod y BBC wedi gwrthod darlledu rhaglen ddogfen am y cyflwynydd pedoffiliaid, Jimmy Savile.[1].
Yn 2014, pan lansiodd y BBC ei wasanaeth trwyddedu rhyngwladol, Ymddiriedolaeth y BBC oedd ei phrif gorff rheoli.[2]
Argymhellodd Adroddiad Clementi 2016 y dylid trosglwyddo trefniadau llywodraethu’r BBC i Ofcom a datgymalu Ymddiriedolaeth y BBC.[3][4] Disodlwyd Ymddiriedolaeth y BBC ar 2 Ebrill 2017 gan Fwrdd y BBC pan ddaeth y Siarter Frenhinol newydd i rym.
Aelodau
[golygu | golygu cod]
Gwelir Ymddiriedolaeth y BBC fel meincnod ym maes darlledu cyhoeddus oherwydd nad oes yr un o'i haelodau yn seneddwyr. Bwriad y dewis o aelodau, a ddaw o'r diwydiant darlledu, gan y Frenhines oedd nodi eu hannibyniaeth oddi wrth arweinwyr prif bleidiau'r llywodraeth.[5].
Swyddogaethau
[golygu | golygu cod]Yn ôl y Siarter Frenhinol, prif rôl Ymddiriedolaeth y BBC yw goruchwylio strategaeth reoli’r BBC, a goruchwylio gwaith y Bwrdd Gweithredol, i gyd er budd y cyhoedd.[6]
Cadeiryddion
[golygu | golygu cod]| Cyfnod | Enw |
|---|---|
| 1 Ion. 2007 - 30 Ebr. 2007 | Chitra Bharucha (interim) |
| 1 Mai 2007 - 1 Mai 2011 | Michael Lyons |
| 1 Mai 2011 - 6 Mai 2014 [7] | Chris Patten |
| 6 Mai 2014 [7] - 8 Hyd. 2014 | Diane Coyle (interim) |
| 9 Hyd. 2014[8] - 2 Ebr. 2017 | Rona Fairhead |
Yr Ymddiriedolaeth a'r Gwledydd Celtaidd
[golygu | golygu cod]Nid oedd gan yr Ymddiriedolaeth reolaeth na dylanwad dros S4C gan bod gan y Sianel Gymraeg Siarter Brenhinol ei hun. Ond roedd yn ymwneud â gorsafoedd radio yn yr ieithoedd brodorol a'r cenhedloedd Celtaidd: BBC Radio Cymru, BBC Radio Wales, BBC Radio Scotland, BBC Radio nan Gàidheal, BBC Radio Ulster, BBC Radio Foyle a BBC Alba.[9]
Bu i'r Ymddiriedolaeth hefyd chwarae rhan weithredol wrth sefydlu sianel Gaeleg BBC Alba. Yn 2007, agorodd Ymddiriedolaeth y BBC ymgynghoriad ar wasanaeth digidol Gaeleg mewn partneriaeth â Gaelid Media Service a arweiniodd at sefydlu'r sianel yn 2008.
Mae BBC Alba yn unigryw gan mai hi yw’r sianel gyntaf i gael ei darparu o dan drwydded BBC gan bartneriaeth yn ogystal â bod y sianel aml-genre gyntaf i ddod yn gyfan gwbl o’r Alban gyda bron pob un o’i rhaglenni wedi’u gwneud yn yr Alban.[10][11]
Cyfeiriadau
[golygu | golygu cod]- ↑ "Jimmy Savile: 'Terrible damage' to BBC - Trust chairman". BBC News. 25 Hydref 2012. Cyrchwyd 28 Tachwedd 2023.
- ↑ Bearne, Suzanne (2013-06-25). "BBC Trust reveals World Service plan". Broadcast. Cyrchwyd 2023-11-28.
- ↑ Martinson, Jane; Sweney, Mark (2016-03-01). "Report urges end to 94 years of BBC self-regulation". The Guardian. ISSN 0261-3077. Cyrchwyd 2023-11-28.
- ↑ "BBC Trust should be scrapped, independent review says". www.ft.com. 2016-03-01. Cyrchwyd 2023-11-28.
- ↑ "La composition et les missions du BBC Trust" sous-chapitre du rapport d'information du Sénat français de 2012 "Télévision publique et sport : les atouts du modèle britannique" [1]
- ↑ In summary, the main roles of the Trust are in setting the overall strategic direction of the BBC, including its priorities, and in exercising a general oversight of the work of the Executive Board. The Trust will perform these roles in the public interest, particularly the interest of licence fee payers. — BBC Royal Charter (2006)
- ↑ 7.0 7.1 Sweney, Mark (2014-05-06). "BBC Trust chairman Lord Patten stands down". The Guardian. ISSN 0261-3077. Cyrchwyd 2023-11-28.
- ↑ "Rona Fairhead confirmed as the new BBC Trust Chairman". Diversity UK. 2014-10-08. Cyrchwyd 2023-11-28.
- ↑ Ymddiriedolaeth y BBC Adolygiad gwasanaeth: gwasanaethau newyddion a radio’r BBC i’r cenhedloedd, BBC, 2016, https://downloads.bbc.co.uk/bbctrust/assets/files/pdf/our_work/nations_radio_news/cy_summary_report.pdf
- ↑ "Gaelic digital TV channel debated" (yn Saesneg). BBC Online. 29 Awst 2007. Cyrchwyd 3 Awst 2007.
- ↑ "Launch date for Gaelic TV channel". BBC News (yn Saesneg). 13 Awst 2008. Cyrchwyd 23 Mawrth 2010.
Dolenni allanol
[golygu | golygu cod]- BBC Trust gwefan archif
- Ymddiriedolaeth y BBC - Adolygiad gwasanaeth: gwasanaethau newyddion a radio’r BBC i’r cenhedloedd papur crynhoi ar yr Ymddiriedolaeth (2016)
