Y Rhyfel Brwnt

Ymgyrch o derfysgaeth wladwriaethol gan y jwnta filwrol a reolodd yr Ariannin o 1976 hyd 1983 oedd y Rhyfel Brwnt (Sbaeneg: Guerra Sucia). Targedodd luoedd milwrol a diogelwch y jwnta grwpiau gerila adain chwith, a thorrwyd hawliau dynol gan gynnwys artaith a llofruddiaethau torfol gan sgwadiau marwolaeth y jwnta. Amcangyfrifir i 10,000–30,000 o Archentwyr gael eu lladd gan y llywodraeth, a nifer ohonynt wedi "diflannu". Roedd y Rhyfel Brwnt yn rhan o Ymgyrch Condor, sef rhaglen gan unbenaethau De America i ormesu gwrthwynebwyr a gwrthryfelwyr yr adain chwith yn ystod y Rhyfel Oer.

Cyfeiriadau

Mae gan Gomin Wikimedia
gyfryngau sy'n berthnasol i:

Y Rhyfel Brwnt

Eginyn erthygl sydd uchod am yr Ariannin. Gallwch helpu Wicipedia drwy ychwanegu ato.