Wsbeciaid

Data cyffredinol
Enghraifft o'r canlynol	grŵp ethnig
Math	Pobl Twrcaidd, Asiaid Canol
Mamiaith	Wsbeceg
Poblogaeth	30,000,000&Nbsp;
Crefydd	Islam, sunni
Rhan o	Pobl Twrcaidd
Gwladwriaeth	Wsbecistan, Affganistan, Tajicistan, Cirgistan, Casachstan, Rwsia, Tyrcmenistan, Twrci, Pacistan, Unol Daleithiau America, Yr Wcráin, Gweriniaeth Pobl Tsieina, Sweden, Belarws, Mongolia, Latfia
Ffeiliau perthnasol ar Gomin Wicimedia

Pobl Dyrcig yng Nghanolbarth Asia yw'r Wsbeciaid. Trigasant yn bennaf yn Wsbecistan, ac yno maent yn cyfrif am ryw 80% o'r boblogaeth. Maent hefyd yn byw mewn niferoedd uchel yn Affganistan, Tajicistan, Cirgistan, Casachstan, Tyrcmenistan, a thalaith Xinjiang yng Ngweriniaeth Pobl Tsieina. Maent yn siarad yr iaith Wsbeceg, a chanddi ddwy brif dafodiaith.

Daw enw'r Wsbeciaid mae'n debyg o Öz Beg (Uzbek), khan y Mongolwyr yn hanner cyntaf y 14g. Goresgynwyd yr ardal gan lwythau Mongolaidd a Thyrcig o'r 11g hyd y 15g, a chymysgant â'r bobloedd Iranaidd hynafol. Gwasgarant dros holl Dyrcestan, gan amaethu a masnachu.

Mwslimiaid Sunni ydy'r mwyafrif helaeth o Wsbeciaid, ac yn canlyn y ddefod Hanafi. Hwy yw'r un garfan o'r holl bobloedd Tyrcig dan reolaeth gynt yr Undeb Sofietaidd sydd wedi dioddef lleiaf o Rwsieiddio.