Weber (uned)

Weber

Enghraifft o:	System Ryngwladol o Unedau gydag enw arbennig, uned ddeilliadol UCUM, uned fflwcs magnetig
Dynodwyr
Freebase	/M/0354xw
Ffeiliau perthnasol ar Gomin Wicimedia

Un o unedau deilliadol y System Ryngwladol o Unedau yw'r weber (symbol: Wb), a ddefnyddir i fesur fflwcs magnetig.

Diffiniad

Gellir diffinio'r weber yn nhermau Deddf Faraday, sy'n cysylltu fflwcs magnetig sy'n newid trwy ddolen â'r maes trydanol o amgylch y ddolen. Bydd newid mewn fflwcs o 1 weber (Wb) yr eiliad (s) yn achosi grym electromotif o 1 folt (V). Felly:

$\mathrm {Wb} =\mathrm {V} {\cdot }\mathrm {s}$

Wedi'i fynegi yn nhermau unedau sylfaenol SI, sef cilogram (kg), metr (m), eiliad (s) ac amper (A):

$\mathrm {Wb} ={\dfrac {\mathrm {kg} {\cdot }\mathrm {m} ^{2}}{\mathrm {s} ^{2}{\cdot }\mathrm {A} }}$

Yr enw

Mae'r uned wedi'i henwi ar ôl y ffisegydd o'r Almaen Wilhelm Eduard Weber (1804–1891), un o'r bobl a ddyfeisiodd y telegraff electromagnetig.