Volvo Personvagnar

Oddi ar Wicipedia
Neidio i: llywio, chwilio
Volvo Personvagnar
Math o fusnes
Aktiebolag
ISIN SE0000115446
Diwydiant Diwydiant ceir
Sefydlwyd 14 Ebrill 1927
Pencadlys Göteborg
Perchnogion Geely, Ford, AB Volvo
Nifer a gyflogir
28,485 (2015)
Gwefan volvocars.com
Mae'r erthygl hon yn sôn am y cwmni ceir; am y cwmni gwreiddiol AB Volvo, sy'n dal i gynhyrchu peiriannau trwm, gweler AB Volvo.

Cwmni o Sweden sy'n cynhyrchu ceir moethus yw Corfforaeth Ceir Volvo (a elwir fel arfer yn VOLVO; Swedeg: Volvo Personvagnar neu'n rhyngwladol: Volvo Cars). Un o'u ceir diweddaraf yw'r XC90.

Mae ei bencadlys yn adeilad VAK yn Gothenburg, Sweden, lle sefydlwyd y cwmni yn 1927.[1] Is-gwmni ydyw, a'i berchennog, neu'r fam-gwmni yw Zhejiang Geely Holding Group o Tsieina.

Sefydlwyd y cwmni yn 1915 fel un o isgwmniau SFK, cwmni gwneud peli meteal (ball bearings). Ond mae'r ddau gwmni (Volvo Group a Volvo Cars) yn nodi'r dyddiad 14 Ebrill 1927 fel y dyddiad swyddogol, gan mai ar y dydd hwn y rhowliodd y car cyntaf o linell cynhyrchu'r ffatri yn Hisingen, Gothenburg.[2] Mae'r adeilad yn dal yno (57°42′50″N 11°55′19″E / 57.71389°N 11.92194°E / 57.71389; 11.92194).

Ystyr Volvo ydy "Dw i'n rholio" yn Lladin, gan gyfeirio at y peli bach metal roedd y cwmni yn ei gynhyrchu. Cofrestrwyd yr enw 'Volvo' yn wreiddiol ar gyfer brand newydd o beli bach, ond defnyddiwyd 'SKF' yn y diwedd.

Yn 1924 cytunodd dau ddyn: Assar Gabrielsson, un o reolwyr gwerthiant SKF a'r peiriannydd Gustav Larson, i gynhyrchu car Swedaidd a fyddai'n addas ar gyfer ffyrdd ac amgylchedd oer y wlad.[3] Wedi cyfnod o flwyddyn o arbrofi gyda deg prototeip, cychwynwyd cynhyrchu car o fewn y cwmni SKF. Cofrestwryd yr isgwmni AB Volvo ar Gyfnewidfa Stoc Stockholm yn 1935 a gwerthodd SKF ei siars yn y cwmni. Yn 2007, dadgofrestrwyd Volvo o'r NASDAQ, ond mae'n parhau fel cwmni ar Gyfnewidfa Stoc Stockholm.[4]

Ceir[golygu | golygu cod y dudalen]

Mae Volvo Cars yn cynhyrchu a marchnata SUVs (sport utility vehicle, station wagons, sedans, compact executive sedans, a coupes. Er mwyn marchnata'r ceir mae gan y cwmni tua 2,300 o ddelwyr (cwmniau gwerthu annibynol), gyda'r mwyafrif yn yr UDA, Sweden, Tsieina a Gwlad Belg.[5] Yn 2011, gwerthodd Volvo Cars 449,255 o geir, yn fydeang: cynnydd o 20.3% o'i gymharu â 2010.[6]

Primer
Volvo ÖV4 touring 1927
Primer
Volvo PV4 4-drws saloon 1927
Primer
Volvo 144 saloon 1972
Primer
1997 Volvo 850 estate
Primer
1997 Volvo 850 estate

Ceir diweddar[golygu | golygu cod y dudalen]

Cyfeiriadau[golygu | golygu cod y dudalen]