Vasyl Kudryk

Vasyl Kudryk
Ganwyd	13 Hydref 1880  Tsebriv
Bu farw	7 Hydref 1963  Winnipeg
Dinasyddiaeth	Ymerodraeth Rwsia, Yr Undeb Sofietaidd
Galwedigaeth	ysgrifennwr

Llenor, athro, golygydd, ac offeiriad Wcreinaidd a ymfudodd i Ganada oedd Vasyl Kudryk (13 Hydref 1880 – 7 Hydref 1963). Roedd yn un o lenorion cyfnod cyntaf llenyddiaeth Wcreineg Canada.

Ganwyd yn Tsebriv yn ardal Ternopil yn Nheyrnas Galisia a Lodomeria, sydd heddiw yn rhan o orllewin yr Wcráin. Ymfudodd Kudryk i Ganada yn 1903 ac ymsefydlodd ger Tolstoi, Manitoba. Gweithiodd fel athro mewn ysgolion gwledig Wcreineg ym Manitoba. Cyhoeddwyd ei straeon byrion a'i erthyglau yn y wasg Wcreineg, ac ymgasglodd ei farddoniaeth yn y gyfrol Vesna (1911). Cyfranodd at sefydlu eglwys annibynnol yng Nghanada o Eglwys Uniongred Roeg yr Wcráin, a chafodd ei ordeinio'n offeiriad yn 1923. Gweithiodd yn y swydd honno yn Alberta a Saskatchewan. Roedd yn olygydd y cylchgronau crefyddol Ukraïns’kyi holos (1910–21) a Visnyk (1941–54), ac yn awdur gweithiau polemig megis Chuzha ruka (1935) a Malovidome z istoriï uniiats’koï tserkvy (4 cyfrol; 1952–6). Bu farw yn Winnipeg yn 82 oed.