USB

Oddi ar Wicipedia
Jump to navigation Jump to search
Chwith: dau 'dderbynydd' (receptacle) USB 3.0 Standard-A a (dde) dau dderbynydd USB 2.0 Standard-A wedi eu lleoli ar banel cyfrifiadur.
Co bach y cwmni SanDisk a ryddhawyd yn 2009: SanDisk Cruzer Micro, 4GB.

USB (byrfodd o'r Saesneg: Universal Serial Bus) yw'r safon rhyngwladol a ddefnyddir yn aml i gysylltu teclynnau electronig â'i gilydd. Fel arfer, fe'i ceir ar gebl i gysylltu dau ddyfais cyfrifiadurol neu i wefru teclyn ymylol, cyfrifiadurol fel y llygoden, yr allweddell neu gamera digidol. Fe'i rhyddhawyd gyntaf yn Nhachwedd 1994 a chedwir y safonnau (2019) gan Fforwm yr IF (USB Implementers Forum). Hyd at 2019 cafwyd tair cenhedlaeth o fanylebau: USB 1.x a ddaeth allan yn 1994, USB 2.0 yn Ebrill 2000, ac USB 3.x yn 2009.[1]

Yn 2019 roedd y fforwm yr USB IF yn gweithio ar safon ar gyfer fersiwn di-wifr, gan ddefnyddio'r un gweithdrefnau (protocolau), sef technoleg ultra-wideband gyda graddfa trosglwyddo data o hyd at 480 Mbit.

Datblygwyd yr Universal Serial Bus i symleiddio a gwella'r cysylltiad rhwng cyfrifiaduron personol a dyfeisiau ymylol, o'i gymharu â chysylltiadau an-safonol neu ad-hoc a oedd eisoes yn bodoli eisoes.[2]

O safbwynt y defnyddiwr y cyfrifiadur, roedd yr USB yn haws i'w defnyddio mewn sawl ffordd. Mae'r USB yn cysylltu'n otomatig, felly nid oes angen i'r defnyddiwr addasu gosodiadau ar y ddyfais a rhyngwyneb y cyfrifiadur ar gyfer cyflymder neu fformat y data ayb. Ar y pryd roedd hyn yn gam sylweddol i'r cyfeiriad iawn, ac yn hwyluso'r gwaith i'r defnyddiwr.[3] Mae safoni'n digwydd ar ochr y gwesteiwr (neu 'host'), felly gall unrhyw declyn ymylol ddefnyddio unrhyw dderbynydd; gelwir hyn yn "hot pluggable" - nid oes raid ailgychwyn y cyfrifiadur er mwyn iddo adnabod y ddyfais ymylol.

Gan fod y ddyfais ymylol yn derbyn ei gwefr o'r rhyngwyneb (y cyfrifiadur), yna nid oes yn rhaid i'r ddyfais ymylol fod â'i chyflenwad trydan ei hun, yn enwedig pan fo'r teclyn yn un bychan.

Ar gyfer cynhyrchwyr caledwedd a datblygwyr meddalwedd, mae'r safon USB yn dileu'r angen i ddatblygu rhyngwynebau perchnogol i declynau ymylol newydd. Mae'r ystod eang o gyflymder trosglwyddo sydd ar gael o ddyfeisiadau addas ar gyfer rhyngwyneb USB yn amrywio o'r allweddellau a'r llygoden syml i fyny i ffrydio rhyngwynebau fideo cymhleth.

Adnabod y derbynyddion (y socedi)[golygu | golygu cod y dudalen]

Derbynyddion (socedi) sydd ar gael ar gyfer pob cysylltydd
Cysylltydd USB 1.0
1996
USB 2.0
2001
USB 2.0
Diwygiwyd
USB 3.0
2011
USB 3.1
2014
USB 3.2
2017
Cyfradd data 1.5 Mbit/s
(Low Speed)
480 Mbit/s
(High Speed)
480 Mbit/s
(High Speed)
5 Gbit/s
(SuperSpeed)
10 Gbit/s
(SuperSpeed+)
20 Gbit/s
(SuperSpeed+)
12 Mbit/s
(Full Speed)
Safon Math A
USB Type-A receptacle.svg
Math A
USB 3.0 Type-A receptacle blue.svg
Ddim ar gael
Math B
USB Type-B receptacle.svg
Math B
USB 3.0 Type-B receptacle blue.svg
Ddim ar gael
Mini Ddim ar gael Mini A
USB Mini-A receptacle.svg
Daeth i ben[1] Ddim ar gael
Ddim ar gael Mini B
USB Mini-B receptacle.svg
Ddim ar gael
Ddim ar gael Ddim ar gael Mini AB
USB Mini-AB receptacle.svg
Ddim ar gael
Micro Ddim ar gael Ddim ar gael Micro A
USB Micro-A.svg
Daeth i ben Ddim ar gael
Ddim ar gael Ddim ar gael Micro B
USB Micro-B.svg
Micro B
USB 3.0 Micro-B receptacle.svg
Ddim ar gael
Ddim ar gael Ddim ar gael Micro AB
USB Micro-AB receptacle.svg
Daeth i ben Ddim ar gael
Duplex llawn Ddim ar gael Ddim ar gael Ddim ar gael Ddim ar gael Type-C
USB Type-C icon.svg

Logos[golygu | golygu cod y dudalen]

Cyfeiriadau[golygu | golygu cod y dudalen]

  1. "USB deserves more support". Boston Globe Online (Simson). 1995-12-31. Archifwyd o'r gwreiddiol ar 6 Ebrill 2012. http://simson.net/clips/1999/99.Globe.05-20.USB_deserves_more_support+.shtml. Adalwyd 2011-12-12.
  2. Jan Axelson, USB Complete: The Developer's Guide, Fifth Edition, Lakeview Research LLC, 2015, ISBN 1931448280, pages 1-7
  3. "Definition of: how to install a PC peripheral". Ziff Davis. https://www.pcmag.com/encyclopedia/term/44434/how-to-install-a-pc-peripheral.
  4. "Icon design recommendation for Identifying USB 2.0 Ports on PCs, Hosts and Hubs" (PDF). USB..