Tzachi HaLevy

Oddi ar Wicipedia
Jump to navigation Jump to search
Tzachi HaLevy
Halevy mewn golygfa o'r ffilm Bethlehem
Ganwyd Tzachi Halevy
(1975-03-12) 12 Mawrth 1975 (43 oed)
Petah Tikva, Israel
Gwaith Actor, canwr-cyfansoddwr
Gweithgar 1999–presennol
Plant 1

Mae Tzachi Halevy (neu Tsahi HaLevi neu Tzachi HaLevy, Hebraeg: צחי הלוי; ganed 12 Mawrth 1975) yn actor a chanwr adnabyddus ar ffilm a theledu Israel. Mae hefyd wedi dod yn fwy adnabyddus y tu allan i'w famlwad yn sgil darlledu rhaglenni Israeli ar sianeli teledu fel Netflix ac Amazon Prime.

Bywyd Cynnar[golygu | golygu cod y dudalen]

Ganed Halevy yn Petah Tikva, Israel.[1] yn fab i dad oedd yn Iddew o Moroco a mam yn Iddewes Iemen. Gan fod ei dad yn gweithio yn swyddfa Prif Weinidog Israel fe deithiodd HaLevy i sawl gwlad fel plentyn.[2] Yn ystod ei wasanaeth filwrol yn Lluoedd Amddiffyn Israel fe weithiodd yn gudd gyda llu arbennig Uned Samson oedd yn canolbwyntio ar gyrchoedd milwrol cudd a chudd-wybodaeth yn erbyn gwrthryfelwyr Paltesteinaidd yn Gaza. Gwasanaethodd yn hwyrach fel swyddog yn Uned Duvdevan, sy'n uned cyrchoedd arbennig elite sy'n nodedig am eu cyrchoedd mewn manau trefol lle byddant yn gwisgo dillad Arabaidd fel cuddwisg.

Gyrfa[golygu | golygu cod y dudalen]

Cerddoriaeth[golygu | golygu cod y dudalen]

Bu'n aelod o'r grwp perfformio Mayumana sy'n cyfuno dawns, cân ac offerynnau taro ers 1999.

Daeth Halevy i enwogrwydd yn 2012 pan aeth i rownd derfynnol (ond nid ennill) cystadleuaeth realiti sioe The Voice Israel. Wedi'r ymddangosiad yma gweithidd ar ei albwm gyntaf, "Kivvunim" ("Cyfeiriadau"), a ryddhawyd yn 2012. Yn 2014, cydweithiodd gydag Idan Raichel ac ysgrifennu cân Ffrangeg, "Petit Roi". Yn 2015, rhyddhaodd y sengl "Tamali Ma'aek" (تملي معاك),[3] fersiwn 'cover' o'r gân Arabeg a berfformiodd mewn sîn enwog yn y gyfres Fauda.[4] Mae'n ymuno ag aelod arall o gast Fauda sydd hefyd yn cyfansoddi a chanu, Idan Amedi.

Actio[golygu | golygu cod y dudalen]

2012 dechreuodd ei yrfa actio gan ymddangos yn Theatr Habima a Theatr Haifa.
2013, serenodd yn y ffilm Bethlehem, enillydd Gwobr Ophir am y ffilm orau. Portreadodd 'Razi', asiant gwasanaeth cudd Shin Bet. Enillodd Halevy Wobr yn bersonol fel Actor Cynorthwyol Orau am ei berfformiad.[5]
2014, portreadu 'Shlomi Daddon' ar gyfers deledu Israel Metim LeRega a hefyd fel 'Haim Toledano' yn y gyfres Bettulot.
2015 Portreadodd 'Naor', aelod o'r uned cudd yn y Mista'arvim yn y gyfres hynod o lwyddiannus, Fauda.[6] Dyma'r gyfres daeth ag ei amlygrwydd ymysg cynulleidfa y tu allan i Israel.
2016, chwaraeodd rhan fach yn y gyfres Hostages sydd hefyd wedi ymddangos ar deledu ym Mhrydain.
2017, ymddangos yn ail gyfres deledu Mossad 101 fel dihiryn, 'Liron Harriri', sydd hefyd wedi ymddangos ar deledu ym Mhrydain.

Bywyd Personol[golygu | golygu cod y dudalen]

Bu'n byw yn ninas Tel Aviv ers yr 1990au hwyr.

Mae wedi ysgaru oddi wrth y dawnswraig Israeli, Una Holbrook, ac mae ganddo fab ganddi.

Ar 10 Hydref 2018 priododd y ddarlledwraig adnabyddus Arab-Israeli, Lucy Aharish, mewn seremoni breifat.[7] Ni all parau o wahanol grefydd briodi ei gilydd yn gyfreithlon yn Israel.[8]

Achosodd y briodas rhwng Iddew ac Arab Fwslemaidd i un aelod o senedd Israel, Oren Hazan, o'r blaid Likud, gyhuddo Lucy Aharish o "hud-ddenu Iddew".[9] Aeth Hazan yn bellach gan ddweud, “I do blame Tzachi 'the Islamicizing' Halevy, who took Fauda a step too far – Bro stop being delusional. Lucy, it’s not personal, but you should know Tzachi is my brother and the Jewish people are my people, stop the assimilation!”

Ffilmograffi[golygu | golygu cod y dudalen]

Ffilm[golygu | golygu cod y dudalen]

  • Bethlehem (2013)
  • The Kind Words (2015)
  • Mary Magdalene (2018)
  • The Angel (2018) - chwarae rhan yr unben Libya, Muammar al-Gaddafi

Teledu[golygu | golygu cod y dudalen]

  • Metim LeRega (2014)
  • Bettulot (2014)
  • Fauda (2015)
  • Mossad 101 (2017)
  • Full Moon (2017)

Amlieithog[golygu | golygu cod y dudalen]

Oherwydd ei fagwraeth yn teithio gyda'i deulu, mae HaLevy yn siarad pump iaith: Hebraeg, Arabeg, Saesneg, Ffrangeg a Sbaeneg. Bu hefyd yn byw am gyfnod yn Denmarc a Cairo.[10]

Dolenni[golygu | golygu cod y dudalen]

Cyfeiriadau[golygu | golygu cod y dudalen]

  1. https://www.mako.co.il/music-news/singles/Article-00cd6d1a7b9a131006.htm
  2. https://www.yediot.co.il/articles/0,7340,L-5035593,00.html
  3. https://www.youtube.com/watch?v=9dFgoswc82M
  4. https://www.youtube.com/watch?v=F_HVjP6u8kw
  5. https://www.haaretz.com/israel-news/culture/.premium-bethlehem-heads-to-oscars-1.5341519
  6. https://www.jpost.com/Israel-News/Culture/How-has-Israel-become-a-global-TV-powerhouse-547942
  7. https://www.timesofisrael.com/liveblog_entry/popular-anchor-actor-marry-in-secret-interfaith-wedding/
  8. https://www.jpost.com/Israel-News/Lucy-Aharish-weds-Fauda-star-Tzachi-Halevy-569118
  9. https://www.haaretz.com/israel-news/she-seduced-a-jew-mk-bemoans-wedding-of-fauda-star-to-israeli-arab-tv-anchor-1.6550010?utm_source=Push_Notification&utm_medium=web_push&utm_campaign=General
  10. https://www.youtube.com/watch?v=LMPBzDbuM50