Tom Hooson

Oddi ar Wicipedia
Jump to navigation Jump to search
Tom Hooson
Ganwyd 16 Mawrth 1933 Edit this on Wikidata
Y Rhyl Edit this on Wikidata
Bu farw 8 Mai 1985 Edit this on Wikidata (52 oed)
Dinasyddiaeth Baner Cymru Cymru
Galwedigaeth Gwleidydd Edit this on Wikidata
Swydd Aelod o 49fed Llywodraeth y DU, Aelod o 48fed Llywodraeth y DU Edit this on Wikidata
Plaid Wleidyddol Y Blaid Geidwadol Edit this on Wikidata

Roedd Thomas (Tom) Ellis Hooson (16 Mawrth 19338 Mai 1985) yn wleidydd Ceidwadol Cymreig ac yn Aelod Seneddol Brycheiniog a Sir Faesyfed o 1979 i 1985.[1].

Bywyd personol[golygu | golygu cod y dudalen]

Ganwyd Hooson yn y Rhyl, Sir Ddinbych, yn fab i David Maelor Hooson, amaethwr, a Ursula (née Ellis) ei wraig.

Cafodd ei addysgu yn Ysgol Ramadeg y Rhyl a Choleg y Brifysgol Rhydychen. Cafodd ei alw i'r Bar yn Gray's Inn.

Roedd yn gefnder i'r Aelod Seneddol Rhyddfrydol Emlyn Hooson; roedd y bardd I. D. Hooson yn hen ewyrth iddo.

Roedd yn ddi-briod.

Gyrfa[golygu | golygu cod y dudalen]

Bu'n gweithio ym myd y cyfryngau, cyhoeddi, hysbysebu a marchnata ym Mhrydain, UDA a Ffrainc fel cyfarwyddwr yng nghwmnïau Benton & Bowles a'r Periodical Publishers Association.

Bu hefyd yn gweithio i'r Blaid Geidwadol fel cyfarwyddwr cyfathrebu o 1976 i 1978.[2]

Sefydlodd y cylchgrawn Welsh Farm News ym 1957.

Gyrfa Wleidyddol[golygu | golygu cod y dudalen]

Safodd yn aflwyddiannus fel yr ymgeisydd Ceidwadol yn etholaeth Caernarfon ym 1959. Safodd ym Mrycheiniog a Sir Faesyfed yn etholiad 1979 gan gipio'r sedd oddi wrth Caerwyn Roderick a'r Blaid Lafur gan ddal y sedd hyd ei farwolaeth ym 1985

Marwolaeth[golygu | golygu cod y dudalen]

Bu farw ar ôl brwydr hir yn erbyn y cancr yn ei gartref yn Llundain ym 1985.

Cyfeiriadau[golygu | golygu cod y dudalen]

  1. "Mr Tom Hooson, MP." Times [London, England] 10 May 1985: 14. The Times Digital Archive, 1785-2009 adalwyd 1 Mai 2015 trwy docyn darllenydd LLGC
  2. ‘HOOSON, Tom (Ellis)’, Who Was Who, A & C Black, an imprint of Bloomsbury Publishing plc, 1920–2015; online edn, Oxford University Press, 2014 ; online edn, April 2014 [1],adalwyd 1 Mai 2015 trwy docyn darllenydd LLGC
Senedd y Deyrnas Unedig
Rhagflaenydd:
Caerwyn Roderick
Aelod Seneddol Brycheiniog a Sir Faesyfed
19791985
Olynydd:
Richard Livsey