Thomas Jones (ysgolhaig)

Oddi ar Wicipedia
Jump to navigation Jump to search
Thomas Jones
Ganwyd 1910 Edit this on Wikidata
Alltwen Edit this on Wikidata
Bu farw 17 Awst 1972, 1972 Edit this on Wikidata
Dinasyddiaeth Baner Cymru Cymru
Galwedigaeth cyfieithydd Edit this on Wikidata

Ysgolhaig amryddawn a chyfieithydd Cymreig oedd Thomas Jones (191017 Awst 1972), gyda diddordeb arbennig mewn llenyddiaeth Gymraeg, llên gwerin Cymru a llenyddiaeth yr Oesoedd Canol.

Ganed Thomas Jones yn Yr Allt-wen, Morgannwg yn 1910. Cafodd ei addysg brifysgol yng Ngholeg Prifysgol Aberystwyth lle daeth yn aelod o staff yr Adran Gymraeg.

Ei waith fel ysgolhaig[golygu | golygu cod y dudalen]

Ymddiddorai mewn ystod eang o bynciau, yn cynnwys cyfieithu gwaith o'r Llydaweg, y Wyddeleg a'r Lladin, llên gwerin a Chylch Arthur. Mae ei astudiaethau yn cynnwys bywyd a gwaith Thomas Jones yr almanaciwr, y croniclydd Tuduraidd Elis Gruffydd, David Owen (Brutus) ac O. M. Edwards.

Fel golygydd testunau Cymraeg Canol fe'i cofir am ei argraffiadau safonol o Y Bibl Ynghymraec a Brut y Tywysogion.

Fel cyfieithydd mae'n adnabyddus am gyhoeddi cyfieithiad o'r Lladin i'r Gymraeg o ddwy gyfrol enwog Gerallt Gymro ar Gymru'r Oesoedd Canol, sef Hanes y Daith Trwy Gymru a'r Disgrifiad o Gymru. Gyda'r llenor Gwyn Jones, cyfieithodd y Mabinogion i'r Saesneg.

Llyfryddiaeth ddethol[golygu | golygu cod y dudalen]

Fel golygydd:

  • Y Bibl Ynghymraec (Caerdydd, 1940)
  • Brut y Tywysogion. Cyhoeddodd bedair cyfrol, yn Gymraeg a Saesneg, o'r ddau brif destun.

Cyfieithiadau

  • Gerallt Gymro : Hanes y Daith Trwy Gymru a'r Disgrifiad o Gymru (Caerdydd, 1938)
  • (gyda Gwyn Jones), The Mabinogion (Everyman's Library, 1948)