Tair (drama)

Tair

clawr y ddrama Tair gan Meic Povey
Enghraifft o:	drama lwyfan Gymraeg
Dyddiad cynharaf	1998
Awdur	Meic Povey
Cyhoeddwr	Dalier Sylw a CAA
Dyddiad cyhoeddi	1998
Cysylltir gyda	Dalier Sylw
ISBN	1856443930
Dyddiad y perff. 1af	3 Awst 1998
Dynodwyr

Drama gomisiwn Eisteddfod Genedlaethol Cymru Bro Ogwr 1998 oedd Tair gan Meic Povey. Llwyfanwyd y ddrama am y tro cyntaf gan gwmni theatr Dalier Sylw fel rhan o arlwy'r Eisteddfod, yn yr un flwyddyn. Drama deuluol sydd yma, rhwng tair cenhedlaeth - y fam, y ferch a'r nain. Cyhoeddwyd y ddrama gan Dalier Sylw ar y cyd â CAA.

Disgrifiad byr

"Tair menyw, tair cenhedlaeth, tri bywyd gwahanol iawn... ond pa mor wahanol yw y tair mewn gwirionedd? Faint bynnag dymunent wadu neu osgoi eu cyfrifoldeb, mae gwaed yn dewach na dŵr, ac yn sicrhau fod y tair yn rhan annatod o orffennol a dyfodol ei gilydd, ac y byddant felly trwy gydol eu hoes."

Cefndir

Yn dilyn sawl comisiwn blaenorol gan Dalier Sylw [Wyneb yn Wyneb (1993) a Fel Anifail (1995)], a chyd-weithio llwyddianus gyda'r cyfarwyddydd Bethan Jones, drama deuluol arall oedd ymateb Povey i gais comisiwn 1998. “Dwi’n dod yn ôl yn y pendraw, fel yn y rhan fwyaf o bethau dwi’n sgwennu, at y ffaith bod pwy wyt ti a be wyt ti yn ddibynnol iawn ar dy gefndir a dy deulu di”, meddai'r dramodydd. Roedd ei ferch Catrin Powell yn un o'r dair actores, a ddewiswyd i lwyfannu'r ddrama, am y tro cyntaf.

Cymeriadau

• Y Nain
• Y Fam
• Y Ferch

Cynyrchiadau nodedig

Dalier Sylw oedd yn gyfrifol am lwyfannu'r ddrama gomisiwn yn Eisteddfod Bro Ogwr, a hynny yn Ysgol Pen-coed. Bu'r cwmni ar daith drwy Gymru efo'r ddrama wedi wythnos yr Eisteddfod, yn Hydref 1998. Cyfarwyddydd Bethan Jones; cast:

• Y Nain - Lisabeth Miles
• Y Fam - Betsan Llwyd
• Y Ferch - Catrin Powell (llysferch Meic Povey)

Cafodd y ddrama ei haddasu ar gyfer BBC Radio Cymru yn 2010 gyda'r cast canlynol:

• Y Nain - Lisabeth Miles
• Y Fam - Betsan Llwyd
• Y Ferch - Nanw Llwyd Williams (merch Betsan Llwyd)