Syltana
 | |
| Enghraifft o: | grape variety  |
|---|---|
| Math | grawnwin, grape variety |
| Rhiant dacson | Vitis vinifera |
| Gwlad | Twrci |
| Dynodwyr | |
| Freebase | /M/04hfkm |
 Ffeiliau perthnasol ar Gomin Wicimedia | |
Mae'r syltana, hefyd swltana[1] yn fath o rawnwin "gwyn" (gwyrdd golau), hirgrwn, di-hadau, a elwir hefyd yn sultanina, Thompson Seedless (Unol Daleithiau America), Lady de Coverly (Lloegr), a Kishmish(Iran, Irac, Palesteina, Pacistan, Affganistan, India).[2] Fe'i gelwir hefyd yn rawnwin İzmir, neu Manisa yn Nhwrci, gan fod yr amrywiaeth hon wedi'i thyfu'n helaeth yn y rhanbarth o amgylch y dinasoedd hynny. Tybir ei bod yn tarddu o Asia Leiaf, a ddaeth yn rhan o'r Ymerodraeth Otomanaidd yn ddiweddarach.[2]
Mae'r sillafiad Cymraeg "syltana" yn ei gwneud yn haws i ddiffinio'r ystyr yn wahanol i "swltana" sef teitl gwraig y swltan, sef uchelwr Twrcaidd.
Mewn rhai gwledydd, yn enwedig gwledydd Saesneg eu hiaith yn y Gymanwlad, defnyddir yr enw 'sultana' neu sultanis ar gyfer rheisin sultana ('sultana raisins').
Hanes
[golygu | golygu cod]Yn tarddu o Asia Leiaf, sydd bellach yn rhan o Iran a Thwrci heddiw, cafodd y grawnwin Sultana ei drin am ei natur ddi-had a'i flas melys.
Aeth yr Otomaniaid â'r amrywiaeth grawnwin sultana i ynys Creta yn y 19g.[3]
Defnyddiau o'r syltana
[golygu | golygu cod]Gwin
[golygu | golygu cod]Defnyddir y grawnwin swltana hefyd i wneud gwin gwyn.[4][5]Cyfeirir ato fel "grawnwin tair ffordd" oherwydd ei fod yn cael ei ddefnyddio fel grawnwin bwrdd, i wneud rhesins ac i wneud gwin.[6]
Grawnfwyd
[golygu | golygu cod]Defnyddir syltanas gyda cyrains a rhesin fel un o'r cynhwysion mewn grawnfwyd brecwast megis miwsli a granola.
Melysion
[golygu | golygu cod]Gellir defnyddio syltanas fel cynhwysyn mewn bara brith a phicau ar y maen.
Gweler hefyd
[golygu | golygu cod]Cyfeiriadau
[golygu | golygu cod]- ↑ "Syltana". Geiriadur Prifysgol Cymru. Cyrchwyd 12 Awst 2016.
- 1 2 Bioletti, Frederic T. (1918). "The Seedless Raisin Grapes". Bulletin of the California Agricultural Experimental Station (298): 86. //books.google.com/books?id=aTrOAAAAMAAJ&pg=PARA3-PA77. Adalwyd 10 Rhagfyr 2011.
- ↑ Osmanlı İmparatorluğu ve Girit bunalımı (1896–1908) ar Google Books
- ↑ "Sultana". American Heritage Dictionary (arg. 4th). 2000. Archifwyd o'r gwreiddiol ar 2005-09-09.
- ↑ Appellation America. "Thompson Seedless". Cyrchwyd 2006-06-15.
- ↑ "Wine Glossary - Words that start with T". Cyrchwyd 22 Rhagfyr 2016.
Dolenni allanol
[golygu | golygu cod]- Raisins vs. Sultanas vs. Currants: What’s the Difference? erthygl a wefan Health Line
- What's the difference between a raisin and a sultana? nodiadau yn The Guardian
