Sioe amaethyddol
Digwyddiad cyhoeddus yn cynnwys anifeiliaid, adloniant, chwaraeon a chyfarpar yn ymwneud ag amaeth a magu anifeiliaid yw sioe amaethyddol. Yn aml bydd cystadlaethau yn seiliedig ar bobi cacennau, tyfu llysiau, ac arddangos anifeiliaid.
Mae llu o sioeau amaethyddol yng Nghymru, ac maent yn rhan hollbwysig o galendr cefn gwlad. Y sioe amaethyddol fwyaf yng Nghymru – a'r fwyaf yn Ewrop – yw Sioe Frenhinol Cymru a gynhelir yn Llanelwedd bob blwyddyn.
