Allor Moloch

Oddi ar Wicipedia
(Ailgyfeiriad oddi wrth Siambr gladdu Hendre-Waelod)
Jump to navigation Jump to search
Allor Moloch
Daearyddiaeth
Gwlad Baner Cymru Cymru

Mae Allor Moloch yn siambr gladdu o'r cyfnod Neolithig sydd wedi'i lleoli gerllaw Llansanffraid Glan Conwy yn Sir Conwy; cyfeiriad grid SH792747. Cyfeiria CADW ati fel "Siambr gladdu ger Hendre-Waelod" (enw fferm gerllaw).[1]

Disgrifiad[golygu | golygu cod y dudalen]

Lleolir y siambr gladdu hon ar godiad tir isel ar lan dde Afon Conwy tua milltir i'r de-orllewin o bentref Llansanffraid Glan Conwy, mewn cae ger lein Rheilffordd Dyffryn Conwy a thua chan llath o'r afon.[2]

Ceir siambr hirsgwar beddrod o Oes Newydd y Cerrig gyda maen clo mawr a phar o feini ar eu sefyll yn ffurfio porth yng nghornel y de-orllewin. Does dim olion o'r garnedd a fyddai drosti yn aros.[3]

Cefndir[golygu | golygu cod y dudalen]

Gelwir y mathau hyn o siambrau yn ”garnedd gellog hir” ac fe'i cofrestrwyd fel heneb gan Cadw gyda'r rhif SAM: DE125.

Yn ôl pob tebyg, defnyddiwyd yr heneb hon gan y Celtiaid ar gyfer defodau crefyddol ac i gladdu neu gofio am y meirw.

Enw[golygu | golygu cod y dudalen]

Mae Moloch yn enw Beiblaidd ar un o dduwiau'r Amoneaid sy'n gysylltiedig ag aberthu plant. [4] Mae'r enw hwn ar y siambr gladdu yn adlewyrchiad o'r gred llên gwerin leol bod y maen glo yn cael ei ddefnyddio ar gyfer aberth ddynol.

Gweler hefyd[golygu | golygu cod y dudalen]

Cyfeiriadau[golygu | golygu cod y dudalen]

  1. Data Cymru Gyfan, CADW
  2. Map OS 1:25,000 Eryri, Ardal Dyffryn Conwy
  3. Christopher Houlder, Wales: an archaeological guide (Faber and Faber, 1978).
  4. Thomas Charles, Y Geiriadur Ysgrythurawl, Hughes a'i Fab, Wrecsam, 1885 Moloch