Sgwrs Defnyddiwr:Lloyd Jones Cymru

Croeso

Shwmae, Lloyd Jones Cymru! Croeso mawr i Wicipedia — y gwyddoniadur rhydd.			Message in English | Message en français
Diolch am ymuno â Wicipedia ac am eich cyfraniadau diweddaraf — fe obeithiwn y byddwch yn mwynhau cyfrannu yma.
Prosiect amlieithog i greu gwyddoniadur rhydd yw Wicipedia. Fe sefydlwyd y fersiwn gwreiddiol yn Saesneg yn 2001, a'r fersiwn Cymraeg yn 2003, a bellach mae 284,086 erthygl gennym. Rhowch gynnig ar y dolenni defnyddiol isod, a dysgu sut gallwch chi olygu unrhyw erthygl o ganlyniad. A chofiwch — dyfal donc a dyr y garreg.
	Y Caffi Tudalen i ofyn cwestiynau ynglŷn â Wicipedia.		Cymorth Cymorth ynglŷn â defnyddio Wicipedia.
	Porth y Gymuned Gwelwch beth sy'n mynd ymlaen a beth sydd angen gwneud yma.		Golygu ac Arddull Sut i olygu erthygl ac arddull erthyglau.
	Hawlfraint Y rheolau hawlfraint yma.		Cymorth iaith Cymorth gyda'r iaith Gymraeg.
	Polisïau a Chanllawiau Rheolau a safonau a dderbynnir gan y gymuned.		Cwestiynau Cyffredin Y cwestiynau cyffredin a ofynnir gan ddefnyddwyr.
	Tiwtorial a'r Ddesg Gyfeirio Dysgu sut i olygu cam wrth gam gyda'r Tiwtorial, a chyflwynwch eich cwestiynau wrth y Ddesg Gyfeirio.		Y Pum Colofn Egwyddorion sylfaenol y prosiect.
Dyma eich tudalen sgwrs lle gallwch dderbyn negeseuon gan Wicipedwyr eraill. I adael neges i Wicipedwr arall, dylech ysgrifennu ar dudalen sgwrs y defnyddiwr gan glicio ar y cysylltiad iddi, ac wedyn clicio ar y tab "sgwrs". Ar ddiwedd y neges mewn tudalennau sgwrs (fel yr un yma), gadewch ~~~~, a bydd y cod yma yn gadael stamp eich enw ac amser gadael y neges. Os ydych am gael cymorth gan weinyddwyr, rhowch y nodyn {{Atsylwgweinyddwr}} ar eich tudalen sgwrs. Fe obeithiwn y byddwch yn mwynhau cyfrannu yma, Y Wicipedia Cymraeg

Cofion cynnes, Deb (sgwrs) 14:14, 13 Rhagfyr 2024 (UTC)

Erthyglau am bêl-droed - rhai enghreifftiau o gamgyfieithu.

Croeso Lloyd a diolch am dy gyfraniadau diweddar am bêl-droed. Dwi heb eu darllen yn fanwl eto, ond dwi wedi sylwi ar dri gwall cyfieithu amlwg yn y penawdau a'r tablauː

Conference League - 'Cynghrair y Gyngres' neu 'Cynghrair Cyngres UEFA' ddylai hyn fod. Dwi'n ffafrio'r ail, yn enwedig os oes angen cynnwys y gair UEFA. Mae'n werth edrych beth mae BBC Cymru a Golwg360 yn ddefnyddio ar gyfer termau fel hyn.

Quarter finals - 'Rownd yr wyth olaf', 'Rownd y chwarteri' neu jest 'Y chwarteri' ddylai hyn fod.

Seeded - Mae 'hadu' yn anghywir, gan bod o'n ymwneud â bioleg. Baswn i'n dweud 'Wedi'u dosbarthu' ar gyfer seeded, a 'Heb eu dosbarthu' ar gyfer unseeded.

Mae geiriau fel seeded yn anodd i'w cyfieithu. Mae pobl yn y Caffi yn hapus i helpu gyda chyfieithu pethau. Neu gad sylw ar fy nhudalen sgwrs. Rhyswynne (sgwrs) 09:05, 19 Rhagfyr 2024 (UTC)

Diolch! Doeddwn i ddim yn siwr sut i gyfieithu geiriau fel "seeded" felly fe wnes i fenthyg gair.

Byddaf yn symud tudalen Cynghrair y Gyngres. Lloyd Jones Cymru (sgwrs) 23:17, 19 Rhagfyr 2024 (UTC)

Diolch a mynd yr ail gam

Pa hwyl? Diolch am yr holl waith ar bel-droed ti wedi'i wneud y mis yma. Ond mae gennym leiafswm angenrheidiol ar gyfer erthyglau newydd. Dw i wedi gosod Nodyn:Gwella i ti weld beth yw'r rheiny, a cheir rhagor am y lleiafswm yma mewn dolen ar y nodyn. Er enghraifft, mae angen o leiaf dwy baragraff a 3 cyfeiriad at ffynhonellau. Less is more! medde'r sais. Tybed a wnei di fynd drwy popeth ti wedi'i wneud hyd yma cyn mynd ati i greu rhagor o erthyglau. Can diolch!

Sylwer hefyd ar Sgwrs:AS Rhufain, sy'n nodi ein harddull ar enwau tramor. Llywelyn2000 (sgwrs) 09:33, 4 Ionawr 2025 (UTC)

Cymeraf olwg arnynt yn fuan. Yn gyntaf byddaf yn diweddaru erthygl yr Uwch Gynghrair ac yna'n cyrraedd y rheini yn y pen draw. Lloyd Jones Cymru (sgwrs) 19:44, 4 Ionawr 2025 (UTC)

Pa hwyl. Braf gweld cymaint o waith gen ti ar bel-droed. Dw i'n gofyn uchod i ti fynd yr ail gam. Mae Wicipedia:Eich erthygl gyntaf yn nodi fod angen o leiaf dau baragraff. Tydy hyn ddim yn llawer, ond yn hanfodol os yw'r erthyglau am aros. Wnei di fynd drwy dy HOLL erthyglau os gweli di'n dda, yn sgwennu rhagor orai newydd, a'u gwella. Fe allwn geu 100,000 o erthyglau un paragraff fory nesaf, efo bot, ond i be? Mae'r gymuned yma wedi dweud drosodd a throsodd for sylwedd a chysylltiadau i Gymru ar bob erthygl yn bwysig. Diolch a chofion... Robin / Llywelyn2000 (sgwrs) 07:40, 21 Ionawr 2025 (UTC)

O ran cysylltiadau â Chymru, a allai hyn gynnwys chwaraewyr o Gymru mewn clybiau pêl-droed? Mae yna lawer o Gymry yn chwarae mewn clybiau yn Lloegr.

E.e a fyddai brawddeg fel "Mae gan X ddau chwaraewr Cymreig ar hyn o bryd: XX a XXX." bod o gymorth? Lloyd Jones Cymru (sgwrs) 20:20, 21 Ionawr 2025 (UTC)

Y broblem efo'r ddau yma ydy fod y wybodaeth yn newid yn dymhorol. Mae'n bosib nodi: 'Yn 2005 roedd X yn chwarae i DP-D Y'.

Mae'r erthygl PFC Ludogorets Razgrad gen ti angen mwy o gaws ar y cibab, mwy o gig ar yr asgwrn. A dweud y gwir roeddwn i bron a gosod nodyn dileu arno. Plis gwira'r gwaith wrth fynd ymlaen. Mae un erthygl dda, swmpus yn well na 10 o egin bach gwantan. Paid a chymryd hyn yn angharedig! Dw i di sgwennu erthyglau gwantan yn fy amser, ond mae pethe wedi newid ers hynny, a Wici'n llawer mwy aeddfed. Diolch! Llywelyn2000 (sgwrs) 16:54, 26 Ionawr 2025 (UTC)

Fy nghynllun cychwynnol oedd creu erthyglau ar gyfer yr holl dimau oedd yn chwarae yn yr EFL (wedi gwneud) ac mewn cystadlaethau Ewropeaidd ac yna gwella arnyn nhw wedyn (wedi gwneud pob un o'r timau UCL a UEL, mae rhai o'r rhai UECL i'w gwneud o hyd).

O ran chwaraewyr Cymreig, efallai y byddai rhestr mewn adran ar wahân yn well? Mae'n anghyffredin y byddai chwaraewr yn chwarae am flwyddyn gan fod tymhorau fel arfer yn croesi trwy flynyddoedd.

Peth arall o'n i'n meddwl oedd (a dwi'n gallu dechrau trafodaeth am hyn yn y Caffi) ydi creu safon Wicipedia ar gyfer enwau clybiau pêl-droed, fel sut da ni'n neud i wledydd?

E.e well "Lerpwl" na "C.P.D. Lerpwl" oni bai bod angen nodi ein bod yn sôn am y clwb pêl-droed nid y ddinas. Mae'r Saesneg Liverpool yn ddryslyd oherwydd er y gallwn gymryd mai Lerpwl yw hi gan fod Lerpwl yn agos at Gymru a bod ganddi lawer o gefnogwyr Cymreig, mae yna hefyd glwb yn Wrwgwái o'r enw "Liverpool" (Liverpool Fútbol Club). Lloyd Jones Cymru (sgwrs) 20:53, 26 Ionawr 2025 (UTC)

Ar hyn o bryd, y peth pwysicaf y medri ei wneud ydy mynd yr ail gam a gwella'r erthyglau rwyt wedi eu creu'n barod. Llywelyn2000 (sgwrs) 07:13, 28 Ionawr 2025 (UTC)

Dyna beth fyddaf yn ei wneud dros y dyddiau nesaf. Dechreuaf drwy ychwanegu sgwadiau cyfredol at erthyglau'r clwb.

Ar gyfer erthyglau tîm cenedlaethol mae ychydig yn rhy anodd oherwydd eu bod yn newid pob gêm, tra bod y ffenestr drosglwyddo ar gyfer clybiau bron ar ben yn Lloegr (os nad ydych yn gyfarwydd â phêl-droed, y ffenestr drosglwyddo yw pan fydd chwaraewyr yn cael eu harwyddo ar gyfer clybiau, tra bod yn rhaid i chi gael eich dewis i chwarae i dîm cenedlaethol mewn gêm neu dwrnamaint penodol). Lloyd Jones Cymru (sgwrs) 09:28, 28 Ionawr 2025 (UTC)

Yn y gorffennol dw i wedi cywiro sawl erthygl gan obeithio dy fod yn darllen dros fy awgrymiadau. Awgrymais uchod am 1.30 echdoe (28 Ionawr) y dylet ti wella'r erthyglau rwyt wedi eu creu'n barod. Y diwrnod wedyn, mi wnest greu erthyglau newydd - a phob un yn cynnwys yr un cangymeriadau ee FC Dinamo Minsk. PLIS, dos dro dy erthyglau a cywira nhw cyn creu rhagor, neu mae'n bosibl y bydd rhai'n cael eu dileu. Llywelyn2000 (sgwrs) 08:53, 30 Ionawr 2025 (UTC)

Dydw i ddim yn gwneud mwy o erthyglau nawr (dim tan ddiwedd y tymor pêl-droed o bosib). Felly byddaf yn eu gwella. Ond bydd hyn yn cymryd amser. Byddaf yn parhau i ddiweddaru'r erthyglau yr wyf eisoes wedi'u gwneud. Lloyd Jones Cymru (sgwrs) 22:35, 30 Ionawr 2025 (UTC)

Gwych! Llywelyn2000 (sgwrs) 06:50, 31 Ionawr 2025 (UTC)

Rwyt wedi defnyddio'r Cymhorthydd Cyfieithu i gyfieithu C.P.D. Sheffield - gw. fy nodyn ar y dudalen Sgwrs. Os nad wyt yn cywiro rwts y CC yna plis paid a sgwennu rhagor. Llywelyn2000 (sgwrs) 09:36, 6 Chwefror 2025 (UTC)

Ymddiheuraf dim ond dysgwr Cymraeg ydw i. Lloyd Jones Cymru (sgwrs) 22:12, 6 Chwefror 2025 (UTC)

---

Dw i'n gweld fod y broblem yn parhau. Ti'n creu erthyglau pitw ee C.P.D. Basel, gyda dwy frawddeg yn unig. Mae angen dwy baragraff swmpus. Fel y dywedais uchod, dro'n ol, less is more. Llywelyn2000 (sgwrs) 17:25, 29 Awst 2025 (UTC)

Byddwch yn amyneddgar. Byddaf yn ychwanegu mwy yn fuan. Lloyd Jones Cymru (sgwrs) 13:38, 30 Awst 2025 (UTC)

Mae amynedd Wicipedia yn para 45 munud. Hynny yw, wedi i rywun olygu Wicipedia, dylid aros 45 munud i sicrhau fod y golygydd wedi gorffen ei g/waith. Os nad wyt am orffen o fewn y cyfyngiad amser yma, ga i awgrymu dy fod yn gwneud drafft yn dy bwll tywod, a'i gyhoeddi pan mae'n orffenedig. Can diolch! Llywelyn2000 (sgwrs) 18:26, 30 Awst 2025 (UTC)

Nodion (templedi)

Haia Lloyd... a braf dy weld yn creu nodion newydd. Jyst rhag ofn y daw hyn yn handi: gan fod cod mewnol rhai Nodion yn galw is-nodion, efallai y byddai cadw'r enw Saesneg yn well, pan rwyt yn copio / pastio o enwici ee Template:Color sample: neu fe elli di greu ailgyfeiriad. Yn y gorffennol, da ni wedi cael problemau pan od enwau rhai Nodion wedi cael eu newid. Tip ydy hwn, nid gorchymun, wrth gwrs! ;-) Cofion cynnes... Robin ... Llywelyn2000 (sgwrs) 11:19, 12 Ionawr 2025 (UTC)

Hei Robin, diolch am yr awgrym. Yn aml dwi'n ailgyfeirio er mwyn i bobl ddewis teipio'r nodyn yn Gymraeg neu Saesneg. Lloyd Jones Cymru (sgwrs) 15:31, 12 Ionawr 2025 (UTC)

Ia, mae hynny'n beth da- cyn belled nad oes neb arall yn dileu'r ailgyfeiriad! ;-) Llywelyn2000 (sgwrs) 10:42, 24 Ionawr 2025 (UTC)

Cais cwrtais

Peidiwch â defnyddio URLs noeth yn eich erthyglau. Deb (sgwrs) 11:18, 21 Ionawr 2025 (UTC)

Iawn, byddaf yn eu fformatio Lloyd Jones Cymru (sgwrs) 20:16, 21 Ionawr 2025 (UTC)

Pryd i ddefnyddio (a pheidio defnyddio) 'cael' a rhai materion iaith eraill

Yn Gymraeg, dydyn ni ddim yn defnyddio 'cael' i ddynodi meddiant (possession). I have had chips for lunch - Dwi wedi cael sglodion i ginio, ond I had a hampster when I was a child - Roedd bochdew gyda fi/gen i pan ro'n i'n blentyn.

Dwi'n sylwi bod ti wedi cynnwys "Mae clwb X wedi cael nifer o chwaraewyr Cymreig ar hyd y blynyddoedd" i ambell erthygl, sydd yn anghywir. Dwi wedi newid y geiriad yn yr erthygl Arsenal, ond nid y gweddill.

Hefyd, o ran arddull, dydyn ni ddim yn tueddu defnyddio 'Cymreig' i ddisgrifio pobl. Basen i'n dweud 'o Gymru' e.e. Cyn-chwaraewr a hyfforddwr pêl-droed o Gymru yw Ryan Joseph Giggs.

Rwyt wedi defnyddio 'diarddel' a 'diswyddo' a 'diraddio' ar gyfer relegate a demote, ond ystyr diarddel yw banish, diswyddo yw dismiss (as in give someone the sack), a diraddio yw to debase, to degradeǃ Mae'r rhain yn anghywir. Dwi wedi gwneud newidiadau i Uwch Gynghrair Lloegr 2024–25, ond ddim i erthyglau eraill gwahanol gystadlaethau fesul tymor. Plis edrycha ar y newidiadau yma a newid yr erthyglau eraill sy'n cynnwys yr un camgymeriadau.

Plis, plis, plis cymer mwy o ofal. Baswn i'n awgrymu nad yw'r offer cyfieithu / geiriadur rwyt ti'n eu defnyddio yn ddibyniadwy iawn, ond hefyd dwi'n deall nad yw'n hawdd bob tro trosi termau fel hyn o'r byd pêl-droed. Byddai'n gwneud synnwyr i ti edrych ar erthyglau eraill yma am bêl-droed, rhai sydd wedi cael eu golygu gan nifer o olygwyr profiadol, fel y galli di fod yn hyderus dy fod yn defnyddio'r termau cywir. Awgrym arall sydd gyda fi, yn hytrach na chreu llawer o erthyglau hir a manwl, sy'n golygu llawer o waith i eraill eu prawfddarllen a'u cywiro, yw canolbwyntio ar ddiweddaru erthyglau sy'n bodoli yn barod. Nid fy lle i yw dweud wrthyt ti beth ddylet olygu, achos mae beth sydd o ddiddordeb i bawb yn wahanol, ond mae record clybiau Cymru yn Ewrop yn wybodaeth reit bwysig, ac yn erthygl C.P.D. Y Seintiau Newydd e.e., dydy'r adran record Ewropeaidd heb ei ddiweddaru ers canol ymgyrch 20/21. Rhyswynne (sgwrs) 11:20, 11 Ebrill 2025 (UTC)

Hei, sori am yr ymateb hwyr, roeddwn i yn y gwaith.

Diolch am eich cywiriadau. Byddaf yn ceisio cadw hyn mewn cof. Nid Cymraeg yw fy iaith gyntaf felly dwi'n gwneud rhai camgymeriadau.

Dywed Geiriadur yr Academi y gall "diraddio" olygu "relegate". Lloyd Jones Cymru (sgwrs) 22:08, 11 Ebrill 2025 (UTC)

Beth yw'r fersiwn Gymraeg o "promote"/"relegate", fel yn "Birmingham City were promoted from League One"? Lloyd Jones Cymru (sgwrs) 22:13, 11 Ebrill 2025 (UTC)

Dim problem, dwi ddim yn dod yma bob dydd. Dwi'n hapus i helpu pobl ymarfer a gwella eu Cymraeg yma, ond cadwa fy awgrym (less is more weithiauǃ) mewn cof. Dyma mae Geiriadur yr Academi yn ddweud am relegateː

‎

1.(=banish): alltudio, diarddel, deol to relegate one's wife (to the position of a servant) diraddio'ch gwraig (i safle morwyn), darostwng eich gwraig (i safle morwyn) Sp:to relegate a team to the third division anfon tîm i lawr i'r drydedd adran, gostwng tîm i'r drydedd adran 2. to relegate a matter to someone trosglwyddo mater i rywun‎

felly mae'n rhoi enghraifft benodol ar gyfer sut i gyfieithu relegate a team (yn fy marn i, mae anfon yn well na gostwng), ond nid oes gair/berf benodol am relegate yn yr ystyr pêl-droed. Mae ychydig yn hirwyntog, ond galli di ddweudː

1. Cafodd Southampton eu hanfon i'r Bencampwriaeth (Southampton were sent....)

2. Anfonwyd Southampton i'r Bencampwriaeth (ditto)

3. Disgynodd/Cwympodd/Syrthiodd Southampton i'r Bencampwriaeth (Southampton fell....)

Y ferf ar gyfer promote yn yr ystyr pêl-droed yw 'dyrchafu', felly galli di ddweudː

1. Cafodd Birmingham eu dyrchafu o Gynghrair Un

2. Dyrchafwyd Birminghan o Gynghrair Un

Dwi wedi bod yn prawfddarllen Cynghrair Cenhedloedd Merched UEFA 2025, ac mae angen newid y canlynol yno ac unrhyw erthyglau eraill ble mae'r un camgymeriad yn codiː

"Chwedl: Glas = tîm cartref yn ennill; Coch = tîm oddi cartref yn ennill." Ar gyfer legend dyma beth mae Geiriadur yr Academi yn ddweudː

‎

1. chwedl(-au, Occ: -euon) f; Coll: chwedloniaeth f; S.a. 2. (= inscription): arysgrifen(-nau) f, arysgrif(-au) f; (on map): eglurhad(-au) m.

Chwedl yw stori neu fable. Rwyt ti angen enghraifft rhif 2, legend fel sydd ar ochr map, felly baswn i'n mynd am "Eglurhadː Glas = ....."

Ar waelod un tabl, mae'n dweud "Rheolau ar gyfer dosbarthu: [[Torri gemau ar gyfer graddio grwpiau|Torri gemau]]" Os mai tie-breakers yw 'torri gemau', yna 'gemau penderfynu' sydd angen yma.

Dwi wedi newid 'disgyniad' i disgyn - gobeithio bod y rhain yn gwneud synnwyr. Rhyswynne (sgwrs) 11:20, 15 Ebrill 2025 (UTC)

Diolch am yr help!

O ran y tablau modiwlau yw'r rhain, nid wicitablau rheolaidd. Lloyd Jones Cymru (sgwrs) 20:54, 15 Ebrill 2025 (UTC)

1. Ocê, dwi ddim yn gwybod sut i newid y modiwlau, felly plis wnei di? Yn yr un Tabl Cynghrair mae angen newid 'diraddio' fel dwi wedi egluro eisoes, hefyd mae'n dweud 'GGw' ar ben colofn gwahaniaeth goliau - fyddai 'GG' ddim yn well? Yn nhabl Canlyniadau, alli di newid 'Cartref \ I Ffwrdd' i 'Cartref \ Oddi cartref' os gweli di'n dda.

2. Dydy'r newidiadau Chwedl > Eglurhad (fel sydd wedi ei esbonio uchod) ddim wedi eu gwneud eto. Cofia wneud hyn, plîs.

3. Dwi wedi darllen drwy Uwch Gynghrair Lloegr 2024–25 ac wedi gwneud newidiadau. Os edrychi di ar dudalen hanes yr erthygl, dwi weithiau'n esbonio pam yn y crynhodeb wrth ochr pob newid. Dwi'n sylwi dy fod eisoes wedi creu Uwch Gynghrair Lloegr 2025–26, ond baswn i'n awgrymu dileu hwn a dechrau o'r dechrau pan rydym wedi cael un 24/25 cant y cant ̥yn gywir yn gyntaf. Dwi ddim yn siwr beth fyddai orau ar gyfer (goal) assists - bydd rhaid gofyn yn y Caffi i weld beth mae eraill yn gynnig. Rhyswynne (sgwrs) 16:26, 24 Ebrill 2025 (UTC)

Caf olwg ar y modiwlau ond dydw i ddim yn arbenigwr ar fodiwlau chwaith. Lloyd Jones Cymru (sgwrs) 23:14, 25 Ebrill 2025 (UTC)

Dwi wedi bod yn edrych drwy Cynghrair y Cenhedloedd UEFA 2024–25 ac mae llawer o wallau ymaː

- rowndiau terfynol > rownd derfynol (un rownd yw hyn)

- rowndiau cynderfynol > rownd gynderfynol (ditto)

- gêm derfynol > rownd derfynol (er bod GyA yn cynnig 'gêm derfynol', gall hyn olygu final game, a 'rownd derfynol' sy'n cael ei ddefnyddio gan y BBC yn y cyd-destun chwaraeon sy'n le da i wirio termau fel hyn)

- gemau ail gyfle disgyniad > gemau ail gyfle rhag disgyn

- disgyniad i... . disgyn i... (rydym yn osgoi defnyddio 'disgyniad' fel enw yn Gymraeg)

- Tim > Tîm

-Tie breaks = gemau penderfynu gêm benderfynu NID torri gemau (dwi wedi nodi hyn o'r blaen).

- Legend (e.e. ar fap) = Esboniad NID Chwedl (dwi wedi nodi hyn o'r blaen).

- Wedi'i glymu ar ganlyniadau pen-i-ben > Cyfartal wedi canlyniadau penben

- Gwahaniaeth nod cyffredinol > Gwahaniaeth goliau penben (ystyr 'nod(au)' yw aim(s))

- Dyrchafiad neu gymhwyster > Dyrchafiad neu gymhwyso

- a.e.t. > a.a.y.

- Cosbau > Ciciau o'r smotyn (Cosbau = Punishments)

Mae'r gwallau hyn yn codi mewn erthyglau sylweddol eraill rwyt wedi eu creu - allai di ymgorffori'r newidiadau yno os gweli di'n dda hefyd? Rhyswynne (sgwrs) 10:22, 10 Mehefin 2025 (UTC)

Byddaf yn ceisio gwneud hynny ond unwaith eto mae llawer o'r rhain yn rhan o'r modiwl. Fe wnes i drwsio "cosbau" y diwrnod o'r blaen ers i mi weld ei fod yn anghywir. Lloyd Jones Cymru (sgwrs) 21:38, 10 Mehefin 2025 (UTC)

Mae'n ddrwg gen i, ro'n i dan yr argraff mai ti oedd wedi bod yn creu modiwlau, ond dwi'n sylwi rwan mai @Llywelyn2000 wnaeth. Dwi wedi bod ym mol Modiwl:Sports table, Modiwl:Sports table/WDL a Modiwl:Sports results, ond alla i ddim dod o hyd i'r pennawd colofn 'GGw' na'r footer 'Torri gemau'. Mae'n dipyn o benbleth. Rhyswynne (sgwrs) 08:42, 12 Mehefin 2025 (UTC)

Dw i'n cymryd fod dy sylwadau di, Rhys, yn cyfeirio at y defnydd o'r Modiwl:Sports table ar yr erthygl Cynghrair y Cenhedloedd UEFA 2024–25? Fedri di restru'r 'cangymeriadau' sy'n deillio o'r defnydd o'r tabl? Sylwer bod 'Torri gemau' ar yr erthygl, nid yn y Modiwl, a does dim defnydd o'r gair footer hyd y gwela i (neu pa ran o'r footer sy'n wallus). Dw i'n gweld nad oes cyfle ar Modiwl:Sports table i newid Gf, GA na GGw, am ryw reswm. Mae'r rhain felly ar fodiwlau eraill sy'n gysylltiedig a'r prif un. Efallai mai'r lle i gael yr ateb fyddai'r golygydd a greodd y modiwl ar en yn wreiddiol. Ond gofal - weithiau fe wnawn nhw ddiweddaru'r modiwlau a byddai angen cyfieithu'r bali lot wedyn! Gyda llaw, gelli newid R i D (Disgyn ar linell 87 (R='Disgyn') - ac eraill - yn Modiwl:Sports table. Llywelyn2000 (sgwrs) 10:59, 12 Mehefin 2025 (UTC)

Diolch @Llywelyn2000 Ah, ia, galla i newid 'Torri gemau' drwy ddewis 'golygu cod' yn hytrach na jest 'golygu' (y golygydd WYSIWYG.) Ro'n i wedi ystyried newid R i D, ond y gwrthwyneb i Disgyn yw Dyrchafiad, felly byddai angen DIS a DYR debygǃ Gellir newid popeth blaw am y Gf, GA ac GGw felly, a bydd rhaid byw gyda hynny, neu risgio gyda'r sawl greodd y modiwl yn en, sydd falle ddim wertho. (ro'n i wedi defnyddio'r gair footer i ganfod lle all manylion o dan y table ymddangs yng nghod y modiwl, sori am ddrysu). Rhyswynne (sgwrs) 17:55, 12 Mehefin 2025 (UTC)

D - ia, problem gydag un lythyren, ond mae dy awgrym DIS a DYR yn ddatrusiad da. Gf, GA ac GGw - mae @Dafyddt: yn wych gyda codio nodion a modiwlau - tybed, Dafydd, os cei amser, fedri di ganfod a newid y rhain? Bydd angen cyfieithiad, wrth gwrs. Llywelyn2000 (sgwrs) 06:53, 13 Mehefin 2025 (UTC)

GF > GS (goliau a sgoriwyd); GA > GI (goliau a ildiwyd); a GGw > GG (gwahaniaeth goliau) fyddai orau dwi'n meddwl. Rhyswynne (sgwrs) 11:31, 13 Mehefin 2025 (UTC)

Nawr dwi'n gweld hwn. Diolch am y cyfieithiad Rhys, rwy wedi diweddaru y modiwl gyda mwy o gyfieithiadau. Dafyddt (sgwrs) 21:35, 30 Awst 2025 (UTC)

"Inffobocs" ach a fi!

Diolch am dy holl waith, ond, plîs, paid â bathu'r gair erchyll "Inffobocs"! Ers blynyddoedd lawer rydyn ni wedi defnyddio'r gair "gwybodlen" am bethau o'r math. Elli di mynd yn ôl a gwneud y newidiadau angenrheidiol? Hwyl, Dafydd. Craigysgafn (sgwrs) 09:29, 3 Mai 2025 (UTC)

Diolch, byddaf yn ei drwsio. Lloyd Jones Cymru (sgwrs) 13:30, 3 Mai 2025 (UTC)

AIK Stockholm?

Be ydy dy ffynhonnell i ychwanegu 'AIK Stockholm' fel enw arall ar 'AIK Fotboll'? Os cywir, yna pam nad oes son ar enwici? Llywelyn2000 (sgwrs) 05:05, 19 Mai 2025 (UTC)

Ychwanegwyd ffynhonnell. Mae'n enw arall ar y clwb gan eu bod yn dod o Stockholm. Lloyd Jones Cymru (sgwrs) 21:00, 19 Mai 2025 (UTC)

Do hefyd! Mi ddanfonais atat rol darllen hwn, cyn darllen gweddill dy olygiadau (a'r cyfeiriad) . Twt twt! Diolch o galon! Llywelyn2000 (sgwrs) 10:01, 20 Mai 2025 (UTC)

Ble mae'r cyfeiriadau?

Chi'n creu llawer o erthyglau newydd heb cyfeiriadau! Eto! Deb (sgwrs) 08:03, 16 Gorffennaf 2025 (UTC)

Roeddwn i ar fin trwsio hynny. Lloyd Jones Cymru (sgwrs) 08:04, 16 Gorffennaf 2025 (UTC)

Rydw i wedi ychwanegu rhwng un a phedwar cyfeiriad at bob un o erthyglau'r chwaraewyr. Lloyd Jones Cymru (sgwrs) 09:03, 16 Gorffennaf 2025 (UTC)

Cabo Verde

Wrth gwrs does dim V mewn Cymraeg modern! Ond nid yw Cabo Verde yn enw Cymraeg! Peidiwch â gwneud y math hwn o newid mympwyol heb drafodaeth! Gweler yr eitem olaf o dan Sgwrs:Cabo Verde.

Craigysgafn (sgwrs) 21:20, 13 Hydref 2025 (UTC)

Wedi'i ddeall, fodd bynnag, nid yw Ecwador yn Gymreig ond rydym yn ei alw'n Ecwador. Beth bynnag, dylai Cabo Ferde fod yn ailgyfeiriad. Lloyd Jones Cymru (sgwrs) 21:40, 13 Hydref 2025 (UTC)

Ie, tir peryglus yw enwau gwledydd, a dyna pam ei bod hi'n bwysig peidio â rhuthro i mewn yn wyllt. Er eu bod yn anghyson ac yn amherffaith weithiau, mae'r pethau hyn yn deillio o drafodaeth hir. Ond dyna sut mae bywyd. Yn bersonol, rwyf wedi treulio oriau lawer yn rhoi enwau gwledydd mewn trefn, ac yn trwsio'r baneri. (Fyddet ti ddim yn credu faint o wahanol ffyrdd y gall y baneri fynd o chwith.) Felly, os gweli di'n dda, ceisia ddilyn y patrwm sydd eisoes wedi'i sefydlu. Os wyt ti'n credu bod rhywbeth o'i le, yna dechreua drafodaeth amdano yn y Sgwrs neu'r Caffi.

Gweler Amrywiadau ar enwau gwledydd yn Gymraeg, sy'n ddefnyddiol.

Yn y cyfamser, dal ati gyda'th gyfraniadau defnyddiol. Craigysgafn (sgwrs) 10:11, 14 Hydref 2025 (UTC)

Ocei, diolch! Lloyd Jones Cymru (sgwrs) 20:23, 14 Hydref 2025 (UTC)

Dwi wedi trwsio Tîm pêl-droed cenedlaethol Cabo Verde hefyd. Gan nad enw Cymraeg yw "Cabo Verde", does dim treiglad arno. Felly "o Cabo Verde", "yn Cabo Verde" ayyb. Hefyd, nid syniad da yw dyfeisio ansoddeiriau fel "Cabo Verdaidd" a ballu. Well o lawer yw "pêl-droediwr o Cabo Verde". (Mewn gwirionedd, mae'n well dweud "Pêl-droediwr o Ffrainc" na "Pêl-droediwr Ffrengig", neu "Pêl-droediwr o'r Almaen" na "Pêl-droediwr Almaenig".) Craigysgafn (sgwrs) 22:40, 14 Hydref 2025 (UTC)

Efallai y gallem ddefnyddio "Penrhyn Gwyrdd" yn lle hynny? Gwelais a chlywais i'n cael ei ddefnyddio hefyd, ond mae'n fwy lletchwith. But, consistensi yw cî fel y dywedant. Lloyd Jones Cymru (sgwrs) 20:00, 16 Hydref 2025 (UTC)

Gweler

Gweler Sgwrs:Oud-Heverlee Leuven. Deb (sgwrs) 12:26, 24 Hydref 2025 (UTC)

"Mae'r clwb yn cystadlu mewn ar hyn o bryd y..."

mewn = in / in a

yn y / yn yr = in the

Mae'r camgymeriad yma yn ymddangos mewn degau o erthyglau. Alli di eu cywiro os gweli di'n dda? Dylai fod̊ː

Mae'r clwb yn cystadlu ar hyn o bryd yn .... [y / yr]

Diolch Rhyswynne (sgwrs) 09:29, 15 Rhagfyr 2025 (UTC)

Iawn, byddaf yn eu trwsio yfory. Datrysiad hawdd, dim ond gwall meddyliol mewn un erthygl y mae'n rhaid fy mod i wedi'i gopïo a'i gludo i eraill (mai bad, sori). Diolch. Lloyd Jones Cymru (sgwrs) 23:08, 15 Rhagfyr 2025 (UTC)

Gwych. Yn gysylltiedig â hyn, yn Saesneg mae arfer o sdicio 'the' o flaen popeth, sydd ddim yn angenrheidiol bob amser yn Gymraeg.

in the Principality stadiwm = yn Stadiwm Principality (enghraifft dwi wedi ei greu fy hun yw hwn, nid gwall gennyt ti)

ond yn bendant os yw'r fanod (y/yr) eisioed yn bodoli o fewn y teitl Cymraeg, e.e. Pencampwriaeth y Merched, does dim eisiau ailadrodd y fanod ar y dechrau hefyd. Gweler y golygiad yma. Rhyswynne (sgwrs) 17:26, 16 Rhagfyr 2025 (UTC)

Diolch. Cymraeg yw fy ail neu fy nhrydydd iaith, felly dw i weithiau'n gwneud camgymeriadau (yn dechnegol dw i'n ystyried Wengleg yn fy iaith gyntaf a Saesneg yn fy ail). Lloyd Jones Cymru (sgwrs) 21:04, 16 Rhagfyr 2025 (UTC)