Sgwrs:Comedi stand-yp

Ni chefnogir cynnwys y dudalen mewn ieithoedd eraill.
Oddi ar Wicipedia
(Ailgyfeiriad o Sgwrs:Comedi ar ei sefyll)

Gawn ni feddwl am hyn? Mae'r term "Comedi ar ei sefyll" yn crensian yn fy nghlustiau! Dw i'n sicr fod na derm neu idiom fwy Cymreig a naturiol i'w gael? Onid "byr-fyfyr" neu "ffwrdd a hi" ydy'r cyfieithiad naturiol? Llywelyn2000 05:16, 29 Awst 2011 (UTC)[ateb]

Dw i'n hoffi "Comedi ffwrdd a hi" yn bersonol. Pwyll 08:54, 29 Awst 2011 (UTC)[ateb]
Newydd daro ar draws hwn. Dwi ddim yn hoffi'r bathiad yma chwaith. Fy hun fasen i wedi defnyddio 'comedi llwyfan' gan mai bron yn ddi-eithriad, sefyll ar lwyfan yw stand-up. Wrth gwrs galle'r term yma gynnwys sgetshys comedi neu ddrama gomedi hefyd. Sdim byd newydd mewn comedi stand-up yng Nghymru (dyna yw digrifwyr nosweithiau llawen wedi'r cyfan) ond yn ddiweddar mae yna lawer mwy o ddigrifwyr Cymraeg yn null comedi 'amgen'. Mae 'sefyll lan' wedi cael ei ddefnyddio mewn teitlau sioeau sydd yn addas ond deheueol. A does neb yn ei ddefnyddio fel disgrifiad cyffredinol. Yr unig beth sy'n cael ei ddefnyddio yn eang yw 'stand-yp' (comedi stand-up, sioe stand-yp), gan y BBC/S4C/cwmniau theatr, adolygwyr, ac yn bwysicach, bobl gyffredin. --Dafyddt (sgwrs) 00:27, 13 Mawrth 2016 (UTC)[ateb]
@Pwyll:: "comedi ffwrdd a hi" - gwych a naturiol, ond Gogleddol(?).
@Dafyddt:: "comedi llwyfan" neu "stand-yp" - yr un mor wych a naturiol! O'r tri "stand-yp" ydy'r un nad oes angen esboniad.
Mae unrhyw un o'r tri yma'n dderbyniol gen i. Bril! Llywelyn2000 (sgwrs) 06:36, 13 Mawrth 2016 (UTC)[ateb]
@Dafyddt: Gan fod na sawl math o gomedi ar lwyfan Dafyddt, gawn ni fynd am 'Gomedi ffwrdd a hi' am y tro? Ac ailgyfeirio'r lleill iddi? Llywelyn2000 (sgwrs) 18:58, 15 Mawrth 2016 (UTC)[ateb]
Ar hyn o bryd fasen i blaid defnyddio 'stand-yp' er fod e'n boen nad oes bathiad Cymraeg. Fel mae'n digwydd mae yna erthygl ar y pwnc ar Cymru Fyw heddiw sy'n defnyddio stand-yp drwyddi. Hefyd mae'n werth edrych ar y ieithoedd Wiki arall - mae nhw gyd bron yn defnyddio rhyw fersiwn o 'stand up'. Am y gweddill, mae Sbaeneg yn dweud 'comedi byw', Islandeg yn dweud 'sefyll i fyny', y Swedeg yn dweud 'comedi sefyll lan'. Dwi ddim yn deall digon o'r Wyddeleg ond dwi ddim yn meddwl fod y gair 'sefyll' yno o gwbl. Does dim brys i'w newid ond dwi wedi ehangu'r erthygl allan ychydig yn defnyddio 'stand-yp' am y tro. --Dafyddt (sgwrs) 19:25, 15 Mawrth 2016 (UTC)[ateb]
Trist, ond ti'n iawn! Cytuno. Llywelyn2000 (sgwrs) 19:33, 15 Mawrth 2016 (UTC)[ateb]