Sgwrs:Beddgelert

Mae'r erthygl hon yn rhan o WiciBrosiect Cymru, prosiect cydweithredol ar Gymru. Os ydych am gyfrannu, ewch i hafan y prosect, ymunwch â'r drafodaeth a chewch restr o bethau sydd angen eu gwneud.
Ychwanegwch y nodyn hwn i unrhyw dudalen sy'n ymwneud â Chymru neu Gymry.

Gelert[golygu cod]

"Mae'r fersiwn hynaf o'r stori'n dyddio nôl i ddiwedd y 15ed ganrif, yn sôn am Cilhart, ci Llywelyn a fu farw o flinder ar ôl erlid carw, a'i gladdu ym Meddgelert. Roedd y stori hon yn hysbys yn y canoloesoedd, fel y gwelir ar y llun ar y dde, sef symbol o Gymru - crud aur a milgi arian - un o chwe symbol o lun a wnaed yn oes Richard lll, brenin Lloegr."

Diddorol, ond oes gen ti ffynhonnell am hyn Llywelyn? Mae'n mynd yn gwbl groes i bob awdurdod dwi wedi darllen ac yn wir dwi'n cyfadde mai dyma'r tro cynta i mi glywed am hyn. "Roedd y stori hon yn hysbys yn y canoloesoedd": dim ond os derbynnir y dadansoddiad o'r llun, mae'n debyg? Dydwi ddim yn gyfarwydd ag unrhyw draddodiad Cymreig am hyn na chyfeiriad ato o'r Oesoedd Canol Dydy hynny ddim yr un peth â dweud 'nad oes, yn bendant!' ond os oes 'na gyfeiriad dibynadwy mae angen y ffynhonnell gan fod hyn yn mynd yn groes i'r farn gyffredin gan arbenigwyr ac mae angen ffynhonnell barchus iawn os ydym am ei dderbyn fel y mae, yn ôl arfer y Wici.

ON Mae 'na erthygl gyfan am chwedl 'Gelert', ar y wici Saesneg. Amser i ni gael un yma? Cofia bod chwedlau tebyg i'w cael mewn sawl rhan arall o'r byd hefyd. Anatiomaros 18:28, 6 Mehefin 2009 (UTC)[ateb]

ONN Rwyt ti wedi newid 'Llywelyn Fawr' i 'Lywelyn ap Gruffudd' hefyd. Er mai chwedl ddiweddar yw'r fersiwn gyfarwydd - a luniwyd gan y tafarnwr - Llywelyn Fawr yw'r brenin ynddi; o leia dyna'r fersiwn dwi wedi clywed ers fy mhlentyndod (na - dim ers y 18fed ganrif!). Anatiomaros 18:35, 6 Mehefin 2009 (UTC)[ateb]

Dwi wedi nodi'r ffynhonnell ddwywaith eto, er eglurder: Gwyddoniadur Cymru ydy hwnnw. Yn wahanol i Wici, tydy'r Gwyddoniadur ddim yn nodi ffynhonnell eu gwybodaeth nhw. Fel y dywedi, Anatiomaros, mae'n hynod ddiddorol; wyddwn innau ddim o hyn. Ond mae'n rhaid fod rhyw stori ganoloesol eitha pwysig yn bodoli i genhedlaeth Richard lll wybod amdani, a'i defnyddio i gynrychioli Cymru. Telyn, fel y gweli yn y llun, sy'n cynrychioli Iwerddon. Dwi wedi ailosod y ddwy stori yn eu trefn gronolegol. Gobeithio fod hyn yn dderbyniol gan bawb. Llywelyn2000 08:49, 7 Mehefin 2009 (UTC)[ateb]

Dwi wedi copïo hyn i Sgwrs:Chwedl Gelert a chodi sawl pwynt ynghylch y chwedl gynnar honedig ar y dudalen honno. Anatiomaros 22:52, 8 Mehefin 2009 (UTC)[ateb]