Sarah Kane

Oddi ar Wicipedia
Jump to navigation Jump to search
Sarah Kane
Sarah Kane.jpg
Ganwyd 3 Chwefror 1971 Edit this on Wikidata
Brentwood Edit this on Wikidata
Bu farw 20 Chwefror 1999 Edit this on Wikidata (28 oed)
Achos: crogi Edit this on Wikidata
Llundain Edit this on Wikidata
Dinasyddiaeth Baner Lloegr Lloegr
Alma mater
Galwedigaeth Dramodydd, Ysgrifennwr, Awdur Edit this on Wikidata
Adnabyddus am Blasted, Cleansed, 4.48 Psychosis Edit this on Wikidata

Dramodydd o Loegr oedd Sarah Kane (3 Chwefror 1971 - 20 Chwefror 1999) adnabyddus am ei dramâu sy'n delio â themâu cariad adferadwy ("redemptive love"), chwant rhywiol, poen, artaith — corfforol a seicolegol — a marwolaeth.

Ymhlith y gwaith pwysig a nodedig yr ysgrifennodd y mae: Blasted, Cleansed a 4.48 Psychosis.

Nodweddir ei gwaith gan ddwyster barddonol, cynildeb diorchest, yr ymwchwilio parhaus am ffurf theatraidd newydd ac, yn ei gwaith cynharach, y defnydd o weithgareddau llwyfan eithafol a threisgar. Mae Kane ei hun, yn ogystal ag ysgolheigion fel Graham Saunders, yn nodi dylanwad theatr fynegiannol a thrasiedi Jacobeaidd.[1] Mae'r beirniad llenyddol Aleks Sierz wedi gweld ei gwaith fel rhan o theatr In-Yer-Face, math o ddrama a dorrodd i ffwrdd o gonfensiynau theatr naturiaethol. Mae llyfryddiaeth Kane yn cynnwys pum drama, un ffilm fer (Skin), a dwy erthygl papur newydd ar gyfer The Guardian.[2]

Magwraeth[golygu | golygu cod y dudalen]

Fe'i ganed yn Brentwood, Essex a bu farw drwy hunanladdiad yn Llundain. Fe'i magwyd gan rieni efengylaidd, Cristnogol, ac roedd Kane yn Gristion ymroddedig yn ei harddegau. Yn ddiweddarach, fodd bynnag, gwrthododd y credoau hynny. Ar ôl mynychu Ysgol Uwchradd Shenfield, astudiodd ddrama ym Mhrifysgol Bryste, gan raddio yn 1992, ac aeth ymlaen i ddilyn cwrs MA mewn ysgrifennu drama ym Mhrifysgol Birmingham, dan arweiniad y dramodydd David Edgar.[1][3] [4][5][6][7]

Iselder[golygu | golygu cod y dudalen]

Dioddefodd Kane o iselder difrifol am flynyddoedd lawer ac fe'i derbyniwyd ddwywaith yn wirfoddol i Ysbyty Maudsley yn Llundain. Fodd bynnag, ysgrifennodd yn gyson drwy gydol ei bywyd fel oedolyn. Gweithiodd am gyfnod byr fel cyswllt llenyddol ar gyfer y Bush Theatre, Llundain. Yna, am flwyddyn bu'n ysgrifennydd preswyl i Paines Plow, cwmni theatr yn hyrwyddo ysgrifennu newydd, lle anogodd awduron eraill i fynd ati.[8]

Bu farw Kane yn 1999; ddeuddydd ar ôl cymryd gorddos o gyffuriau presgripsiwn, crogodd ei hun yn ei hystafelloedd mewn ystafell ymolchi yn Ysbyty King's College Llundain.[9]

Anrhydeddau[golygu | golygu cod y dudalen]

Cyfeiriadau[golygu | golygu cod y dudalen]

  1. 1.0 1.1 Saunders, Graham (2002). Love me or kill me: Sarah Kane and the theatre of extremes. Manchester; Manchester University Press : 2002. p. 224. ISBN 0-7190-5956-9. 
  2. Sierz, Aleks (2001). In-yer-face theatre: British drama today. London: Faber and Faber. pp. 120–121. ISBN 0-571-20049-4. 
  3. Mark Ravenhill Obituary: Sarah Kane, The Independent, 23 Chwefror 1999
  4. Cyffredinol: http://data.bnf.fr/ark:/12148/cb13499407t; ffeil awdurdod y BnF; dyddiad cyrchiad: 10 Hydref 2015.
  5. Rhyw: Deutsche Nationalbibliothek; Berlin State Library; Bavarian State Library; Austrian National Library, https://www.dnb.de/EN/Home/home_node.html Gemeinsame Normdatei, https://www.dnb.de/gnd, https://www.dnb.de/EN/Home/home_node.html, adalwyd 27 Ebrill 2014Wikidata Q36578 http://data.bnf.fr/ark:/12148/cb13499407t; ffeil awdurdod y BnF; dyddiad cyrchiad: 10 Hydref 2015.
  6. Dyddiad geni: http://data.bnf.fr/ark:/12148/cb13499407t; ffeil awdurdod y BnF; dyddiad cyrchiad: 10 Hydref 2015.
  7. Dyddiad marw: http://data.bnf.fr/ark:/12148/cb13499407t; ffeil awdurdod y BnF; dyddiad cyrchiad: 10 Hydref 2015.
  8. Greig, David (1998). "Introduction". Sarah Kane:Complete Plays. p. 90. ISBN 0-413-74260-1. ISBN 0-413-74260-1 ISBN 978-0-413-74260-5
  9. Hattenstone, Simon (1 Gorffennaf 2000). "A sad hurrah (part 2)". The Guardian (in Saesneg). Adalwyd 18 April 2018.  Check date values in: |access-date= (help)