Sarah Bernhardt
| Sarah Bernhardt | |
|---|---|
.png) | |
| Ganwyd | Sara Marie Henriette Bernhardt  23 Hydref 1844 Paris |
| Bu farw | 26 Mawrth 1923 o wremia Paris, 17fed arrondissement Paris |
| Dinasyddiaeth | Ffrainc |
| Alma mater |
|
| Galwedigaeth | actor llwyfan, actor ffilm, dawnsiwr, ysgrifennwr, actor, arlunydd, cerflunydd |
| Swydd | Sociétaire o'r Comédie-Française |
| Tad | Édouard Bernhardt |
| Mam | Judith-Julie Bernardt |
| Priod | Jacques Damala |
| Partner | Samuel Pozzi |
| Plant | Maurice Bernhardt |
| Gwobr/au | Officier de la Légion d'honneur, Seren ar Rodfa Enwogion Hollywood |
Actores o Ffrainc oedd Sarah Bernhardt (22 Hydref 1844 – 26 Mawrth 1923)[1]. Daeth yn enwog trwy Ewrop yn y 1870au, ac ymledodd ei henwogrwydd i'r Unol Daleithiau hefyd.
Ganed hi yn ninas Paris fel Marie Henriette Bernardt, yn ferch i Julie Bernardt a thad oedd efallai o'r Iseldiroedd. Roedd ei thaid, Moritz Bernardt, yn fasnachwr Iddewig yn Amsterdam.
Dechreuodd actio yn 1862 pan oedd yn astudio yn y Comédie-Française. Er mai actio ar y llwyfan yr oedd yn bennaf, gwnaeth nifer o recordiadau o ddialogau o ddramau; y cynharaf oedd darlleniad o Phèdre gan Jean Racine, yng nghartref Thomas Edison yn Efrog Newydd yn y 1880au. Roedd yn un o arloeswyr y ffilmiau distaw, gan berfformio mewn ffilm am y tro cyntaf fel Hamlet mewn ffilm ddau funud o hyd yn 1900.
Yn 1905, anafodd ei choes tra'n perfformio yn Rio de Janeiro, ac yn 1915 bu raid torri'r goes ymaith, ond parhaodd i berfformio. Bu farw yn 1923, a chladdwyd hi ym Mynwent Père Lachaise, Paris.
Ymweld â Chymru
[golygu | golygu cod]Ymwelodd a Chymru yn ystod ei thaith fawr ym 1899. Ar 20 Tachwedd 1899, perfformiodd La Tosca yn Theatr y Grand, Caerdydd, i gynulleidfa frwdfrydig o filoedd. Roedd hyn yn rhan o gyfres o berfformiadau yng Nghaerdydd, gan gynnwys Hamlet a La Dame aux Camélias, lle cafodd gryn ganmoliaeth gan y wasg leol. Derbyniodd swm o £500 am ganu mewn un perfformiad yn y Grand (tua £70,000 heddiw). Mae'n foment nodedig yn hanes theatr Caerdydd, gyda'r Theatr Newydd (1891) yn ei dyfynnu'n ddiweddarach fel un o'u perfformwyr nodedig.[2][3]
Llyfrau ganddi
[golygu | golygu cod]- Dans les Nuages, Impressions d'une Chaise Charpentier (1878)
- L'Aveu, drame en un acte en prose (1888)
- Adrienne Lecouvreur, drame en six actes (1907)
- Ma Double Vie (1907)
- Un Coeur d'Homme, pièce en quatre actes (1911)
- Petite Idole (1920)
- L'Art du Théâtre: la voix, le geste, la prononciation, etc.
Cyfeiriadau
[golygu | golygu cod]- ↑ Skinner, Cornelia Otis (1967). Madame Sarah (yn Saesneg). Efrog Newydd: Houghton-Mifflin. tt. 330–333.
- ↑ papuraunewydd.llyfrgell.cymru; Llyfrgell Genedlaethol Cymru; adalwyd 22 Hydref 2025.
- ↑ papuraunewydd.llyfrgell.cymru; Llyfrgell Genedlaethol Cymru; adalwyd 22 Hydref 2025.