Rodolfo Usigli

Oddi ar Wicipedia
Jump to navigation Jump to search
Rodolfo Usigli
Ganwyd 17 Tachwedd 1905 Edit this on Wikidata
Dinas Mecsico, Bucaramanga Edit this on Wikidata
Bu farw 18 Mehefin 1979 Edit this on Wikidata (73 oed)
Dinasyddiaeth Mecsico Edit this on Wikidata
Alma mater
  • Ysgol Ddrama Yale Edit this on Wikidata
Galwedigaeth bardd, ysgrifennwr, diplomydd Edit this on Wikidata
Gwobr/au Gwobr Genedlaethol y Celfyddydau a Gwyddorau Edit this on Wikidata

Dramodydd Mecsicanaidd yn yr iaith Sbaeneg oedd Rodolfo Usigli (17 Tachwedd 190518 Mehefin 1979).

Ganwyd yn Ninas Mecsico yn fab i Eidalwr a Phwyles. Bu farw ei dad pan oedd Rodolfo yn fachgen, a fe gafodd ei fagu gan ei fam yn ystod cyfnod Chwyldro Mecsico (1910–20). Dioddefodd o nam ar ei olwg, a na lwyddodd i orffen ei addysg yn yr ysgol uwchradd.[1]

Er gwaethaf caledni ei fagwraeth, erbyn y 1940au mi oedd Usigli yn un o'r arloeswyr blaenaf ym myd theatr Mecsico. Mae ei ddramâu El gesticulador (ysgr. 1937, perff. 1947) a Corona de sombra (ysgr. 1943, perff. 1947) yn nodweddiadol o'i ymdrechion i foderneiddio'r theatr genedlaethol ac i fynegi hunaniaeth Fecsicanaidd yn seiliedig ar hanes a symbolau diwylliannol y wlad.[1]

Yn ogystal â'i ddramâu, ysgrifennodd Usigli nofel dditectif seicolegol o'r enw Ensayo de un crimen (1944), a gafodd ei haddasu'n ffilm gan Luis Buñuel yn 1955. Gweithiodd hefyd yn hanesydd llenyddol, academydd, a diplomydd. Bu farw yn Ninas Mecsico yn 73 oed.[1]

Cyfeiriadau[golygu | golygu cod y dudalen]

  1. 1.0 1.1 1.2 (Saesneg) Danny J. Anderson, "Usigli, Rodolfo (1905–1979)" yn Encyclopedia of Latin American History and Culture (Gale, 2008). Adalwyd ar 28 Gorffennaf 2019.

Darllen pellach[golygu | golygu cod y dudalen]

  • Peter Beardsell, Teatro para caníbales: Rodolfo Usigli y el teatro mexicano (Dinas Mecsico: Siglo Veintiuno Editores, 2002).
  • Guillermo Schmidhuber de la Mora, Apología de Rodolfo Usigli: las polaridades usiglianas (Guadalajara: Universidad de Guadalajara, 2005).