Robin Eiddior

Robin Eiddior
Ganwyd	Robert Eiddior Roberts 1967 Pen-y-groes, Caernarfon
Alma mater	Ysgol Dyffryn Nantlle
Galwedigaeth	actor a canwr
Cysylltir gyda	Y Weithred
Priod	Buddug Povey

Actor a chanwr Cymraeg o Ben-y-groes yw Robin Eiddior (ganwyd 1967) neu Robert Eiddior Roberts yn ôl ei enw bedydd. Portreadodd nifer o gymeriadau amrywiol mewn ffilmiau a dramâu ar S4C gan gynnwys y brif ran yn y ffilm Y Weithred, lle bu'n portreadu Owen (Now Gwynys) Williams. Pan yn fachgen ifanc, cafodd gyfle i actio yn y ffilmiau Aderyn Papur (1984) a Stormydd Awst (1988). Gwelwyd ef hefyd yn y cyfresi Traed Mewn Cyffion, Lleifior ac yn fwy diweddar fel "Rhys" yn Rownd a Rownd.

Gyrfa

Robin Eiddior yn y grŵp Maraca

Wedi'i fagu ym Mhen-y-groes, Gwynedd, mynychodd Robin Ysgol Dyffryn Nantlle. Gadawodd yr ysgol yn 16 oed, a mynd yn syth i actio gyda Chwmni Red Rooster, yn y ffilm Aderyn Papur ym 1984.

Yn y 1980au, Robin oedd prif leisydd y band Cymraeg Maraca, a ryddhaodd 1 sengl, I Uffern ac yn Ôl ac albwm o'r enw Yr Ha' Bach. Ym 1987, canodd y gân 'Aros' yng nghystadleuaeth Cân i Gymru. Rhwng 1999 a 2002, ef oedd prif leisydd y grŵp Ap Ted a'r Apostolion.

Yn 2018, bu stori yn y papurau newydd ei fod wedi'i ddal yn yfed a gyrru yng Nghaernarfon. Roedd yn byw yn Y Groeslon ar y pryd, ac wedi gyrru ei gar i siop Tesco yng Nghaernarfon, pan nododd staff y siop bod arogl alcohol ar ei wynt.

Mae'n briod â'r actores Buddug Povey.

Cynyrchiadau

(detholiad)

Theatr

• Golff (1993) Cwmni Theatr Gwynedd

Ffilm, Teledu a Radio

• Aderyn Papur (1984)
• Stormydd Awst (1988)
• Deryn
• Cysgodion Gdansk (1987)
• Anest
• Traed Mewn Cyffion (1991)
• Lleifior (1993)
• Sgwâr y Sgorpion (1994)
• Y Weithred (1995)
• Y Mynydd Grug (1997)
• Amdani! (1999-2002)
• Y Stafell Ddirgel (2001)
• Eldra (2002)
• Rownd a Rownd (2004-presennol)