Pris y Farchnad
 | |
| Enghraifft o: | cyfres ddrama deledu Gymraeg |
|---|---|
| Awdur | Wil Roberts |
| Gwlad | Cymru  |
| Iaith | Cymraeg |
| Cysylltir gyda | David Lyn a Tim Lyn |
| Dechreuwyd | 1990 |
| Lleoliad | Sir Gaerfyrddin |
| Cyfarwyddwr/wyr | David Lyn |
| Iaith wreiddiol | Cymraeg |
| Dynodwyr | |
Cyfres ddrama deledu Gymraeg a ddarlledwyd ar S4C yn y 1990au oedd Pris y Farchnad. Ysgrifennwyd y gyfres gan Wil Roberts, a Ffilmiau Penadur oedd yn gyfrifol am ei chynhyrchu. Roedd y gyfres wedi'i lleoli yn Sir Gaerfyrddin ac yn ymwneud â theulu a busnes arwerthu "John Aston-Davies".[1] Cafwyd sawl cyfres rhwng 1992 a 1997 ac enwebwyd y gyfres am sawl Gwobr BAFTA Cymru.[2] Ymysg actorion a fu yn y gyfres roedd David Lyn, Sharon Morgan, Richard Lynch, Wyn Bowen Harries, Christine Pritchard, Catherine Tregenna ac Eluned Jones a enillodd Wobr yr actores orau gan BAFTA Cymru ym 1994, am ei phortread o "Enid Protheroe".[3] David Lyn oedd hefyd yn cyfarwyddo'r cyfresi cynnar, cyn i'w fab Tim Lyn ei gynorthwyo.
Cymeriadau
[golygu | golygu cod]- John Aston-Davies - David Lyn - "Y Penteulu"[1]
- Russell Aston-Davies - Richard Lynch - "Y Mab"
- Lowri Hanson - Sharon Morgan - "Y Ferch"
- Edgar Protheroe - Wyn Bowen Harries - "Y Llys-fab"
- Enid Protheroe - Eluned Jones
- Hannah Protheroe - Sian Maclean
- Susan Protheroe - Catherine Tregenna
- Brian Hopkins - Phil Reid
- David Haliwell - John Glyn
- Alys - Grug Maria Davies
- Roger James - Geraint Lewis
- Sam - Harley Lewis
- Frances Eskape - Lesley Rooney
- George y sipsi - Gwyn Blackbird Davies
- Raymond - Huw Egryn
Actorion eraill fu yn y gyfres : Janet Aethwy, Christine Pritchard,
Cynhyrchu
[golygu | golygu cod]Ray Orton oedd yng ngofal y gwaith camera, Dwynwen Berry fel golygydd y sgript a Catrin Edwards yng ngofal y Gerddoriaeth.[1]