Power Rangers

Oddi ar Wicipedia
Jump to navigation Jump to search

Rhyddfraint adloniant a masnachu Americanaidd yw Power Rangers sydd wedi'i tarddu o gyfres deledu archarwyr gydag actorion byw, yn seiliedig ar y rhyddfraint Siapaniaidd tokusatsu Super Sentai. Cynhyrchwyd y rhaglen gyntaf gan Saban Entertainment, yna gan BVS Entertainment, ac wedyn gan SCG Power Rangers ac mae erbyn heddiw yn cael ei chynhyrchu gan Hasbro. Daw llawer o'r deunydd ar gyfer yr rhaglen o'r gyfres deledu Super Sentai, sydd wedi'i chynhyrchu gan Toei Company.[1] Ymddangosodd y rhaglen Power Rangers gyntaf, Mighty Morphin Power Rangers, ar Awst 28 1993. Daeth y rhaglen a'r teganau (gan Bandai) yn hynod o boblogaidd mewn byr amser.[2] Erbyn 2001, roedd y rhyddfraint wedi cynhyrchu dros $̰̩̩̯6 biliwn mewn gwerthiant teganau.[3]

Mae'r gyfres yn seiliedig ar dîm o bobl ifanc sydd wedi'u dewis a'u hyfforddi gan athro i droi i mewn i'r Power Rangers. Mae'r Power Rangers yn gallu defnyddio grymoedd arbennig a gyrru cerbydau anhygoel o'r enw Zords er mwyn gwrthsefyll gelynion. Yn y gyfres wreiddiol Mighty Morphin, mae'r dewin Zordon yn recriwtio "pobl yn eu harddegau gydag agwedd" i wrthwynebu Rita Repulsa.[4]

Mae'r Rangers yn troi i mewn i archarwyr sy'n gwisgo dillad tynn, a helmed a miswrn ar eu pennau. Mae nhw'n edrych yr un peth heblaw am liw eu siwtiau a dyluniad yr helmedau. Ar ol troi yn Rangers, mae nhw'n meddu ar gryfder, gwytnwch, ystwythder a medr wrth ymladd. Mae gan rai alluoedd goruwchddynol neu seicig fel cyflymdra anhygoel, y gallu i reoli'r elfennau, lefel uwch o amgyffrediad synhwyrau neu anweledigrwydd.[5] Yn ogystal, mae gan bob Ranger arf unigryw, yn ogystal ag arfau cyffredin ar gyfer ymladd ar y ddaear. Pan mae gelynion yn chwyddo i faint anhygoel (mae bron pob un ohonyn nhw yn gwneud hynny). mae'r Rangers yn cyfuno Zords unigol yn un Megazord mawr.

Mae'r Rangers yn gweithredu mewn timau o bump neu dri, gyda rhagor o Rangers yn ymuno â'r tim yn ddiweddarach. Mae pob tim o Rangers, gydag ambell eithriad, yn dilyn yr un set o gonfensiynau a amlinellwyd ar ddechrau'r gyfres gyntaf un, ac sydd wedi'u hailadrodd gan wahanol athrawon mewn cyfresi diweddarachː ni chaiff y Power Rangers ddefnyddio eu grymoedd at fudd personol neu ddwysáu brwydr (oni bai bod y gelyn wedi gwneud yn gyntaf), ac ni chaiff y Power Rangers roi gwybod i'r cyhoedd pwy ydyn nhw. Y gosb am dorri'r rheolau hyn yw colli eu grymoedd.

Daeth y gyfres dan feirniadaeth am fod rhai yn ystyried ei chynnwys yn dreisgar i blant.

Cyfeirnodau[golygu | golygu cod y dudalen]

  1. "Toei Company Profile| Toei". http://www.toei.co.jp/en/company/license.html.
  2. "BANDAI Co., Ltd | Global Development". http://www.bandai.co.jp/e/company/global.html.
  3. Kerry, Dollan (November 26, 2001). "Beyond Power Rangers". Forbes, Inc.. https://www.forbes.com/forbes/2001/1126/066.html.
  4. "Day of the Dumpster". Mighty Morphin Power Rangers. Season 1. Episode 1. 1993-08-28. Fox.
  5. Power Rangers Dino Thunder, Power Rangers S.P.D., Power Rangers Operation Overdrive, Power Rangers Jungle Fury