Porthdinllaen

Porthdinllaen
Math	pentref
Cylchfa amser	UTC±00:00
Daearyddiaeth
Sir	Gwynedd
Gwlad	Cymru
Cyfesurynnau	52.9429°N 4.568°W
Cod OS	SH276416
Cod post	LL53
	Ffeiliau perthnasol ar Comin
	[golygwch ar Wicidata]

Mae Porthdinllaen ( ynganiad ) (Cyfeirnod OS: SH2741) yn bentre bychan, agos at Forfa Nefyn ym Mhenrhyn Llŷn. Mae'r Ymddiriedolaeth Genedlaethol yn gyfrifol amdano ers 1994. Gweler oddi yno olygfeydd o'r Eifl ac Eryri. Mae'r dafarn "Tŷ Coch" yn ganolfan i'r pentre. Mae'r enw i'w ganfod gyntaf yn 1263: Portdinllaen. Porth ydy porthladd, din ydy'r gaer ar y pentir a elwir Trwyn Porth Dinllaen ac ystyr "llaen" ydy "Llŷn".

Porthdinllaen yn Ebrill 2011

Rhaid i ymwelwyr gerdded ato dros y traeth o Forfa Nefyn, neu dros dir y clwb golff ar y pentir, gan fod ceir wedi'u gwahardd.

Mae'r pentre'n hen borthladd pysgota, sydd ar y pen gorllewinol o'r bae 1.25 milltir llydan, a chyda 100 erw o angorfeydd diogel. Roedd y lle'n fwrlwm o longau sgota mor diweddar â'r 19g.^[1]

Awgrymyd Porthdinllaen fel porth i longau i'r Iwerddon yn gynnar y 19ed ganrif, ond dewiswyd Caergybi yn ei le.