Pong

Oddi ar Wicipedia
Jump to navigation Jump to search
Sgrinlun Pong. Mae'r ddwy badl yn dychwelyd y bêl yn ôl ac ymlaen. Cedwir y sgôr gan y rhifau (0 ac 1) ar frig y sgrin.

Pong yw un o'r gemau fideo arcêd cynharaf. [1] Mae'n gêm seiliedig ar denis bwrdd sy'n cynnwys graffeg dau ddimensiwn syml. I chware'r gêm mae chwaraewr yn rheoli padl (llinell ar y sgrin) drwy ei symud yn fertigol ar draws ochr chwith neu dde'r sgrin. Mae'n gêm i ddau chwaraewr lle fydd un yn cystadlu efo chwaraewr arall sy'n rheoli ail badl ar ochr arall y sgrin. Mewn rhai fersiynau mae modd chware fel unigolyn yn erbyn y peiriant. Mae chwaraewyr yn defnyddio'r padlau i daro pêl yn ôl ac ymlaen. Y nod yw i chwaraewr gyrraedd un ar ddeg o bwyntiau cyn y gwrthwynebydd; caiff pwyntiau eu hennill pan fydd un yn methu taro'r bel a'i dychwelyd i'r llall.

Hanes[golygu | golygu cod y dudalen]

Gynhyrchwyd y gêm yn wreiddiol gan gwmni Atari. Cafodd ei rhyddhau ym 1972.[2] Creodd Allan Alcorn Pong fel ymarfer hyfforddi a roddwyd iddo gan Nolan Bushnell, cyd-sylfaenydd Atari. Roedd Bushnell yn seilio'r syniad ar gêm ping-pong electronig a gynhwyswyd yn y consol Magnavox Odyssey. Fe wnaeth Magnavox erlyn Atari yn ddiweddarach am dorri patent.

Pong oedd y gêm fideo lwyddiannus gyntaf yn fasnachol, a helpodd i sefydlu'r diwydiant gemau fideo arcêd a thafarn ynghyd â'r gem consol cartref cyntaf, sef y Magnavox Odyssey. Yn fuan ar ôl ei ryddhau, dechreuodd nifer o gwmnïau gynhyrchu gemau a oedd yn copïo ei arddull chware, ac yn y pen draw rhyddhawyd mathau newydd o gemau. O ganlyniad, anogodd Atari ei staff i gynhyrchu gemau mwy arloesol. Rhyddhaodd y cwmni sawl dilyniant a oedd yn adeiladu ar arddull chware'r gwreiddiol trwy ychwanegu nodweddion newydd. Yn ystod tymor Nadolig 1975, rhyddhaodd Atari fersiwn cartref o Pong drwy siopau manwerthu Sears yn unig.

Mae Pong yn rhan o gasgliad parhaol Sefydliad Smithsonian yn Washington, D.C. oherwydd ei bwysigrwydd ddiwylliannol.

Oriel[golygu | golygu cod y dudalen]

Cyfeiriadau[golygu | golygu cod y dudalen]

  1. Pong Game adalwyd 30 Mawrth 2019
  2. Killer List of Videogames adalwyd 30 Mawrth 2019

Dolenni allanol[golygu | golygu cod y dudalen]

Comin Wikimedia
Mae gan Gomin Wikimedia
gyfryngau sy'n berthnasol i: