Poluneices
 | |
| Enghraifft o: | cymeriad chwedlonol Groeg  |
|---|---|
| Dynodwyr | |
| Freebase | /M/0kl97 |
 Ffeiliau perthnasol ar Gomin Wicimedia | |
Mab Oidipos a naill ai Iocasta neu Euryganeia ym mytholeg Roeg, oedd Poluneices (hefyd Polynices / Polyneices /ˌpɒlɪˈnaɪsiːz/ Hen Roeg: Πολυνείκης / Polyneíkes).[1] Efallai ei fod yn fwy adnabyddus am fod yn frawd i Antigone ac Isméne, ac am gael ei ladd gan ei frawd Eteocles. Pan ddarganfu Oidipos ei fod wedi lladd ei dad a phriodi ei fam, fe'i dallwyd ei hun a gadawodd Thebai, gan adael Poluneices ac Eteocles i deyrnasu ar y cyd. Fodd bynnag, oherwydd melltith a osodwyd arnynt gan Oidipos, chwalodd eu cytundeb yn gyflym, a bu rhyfel dros y deyrnas. Yn ystod y frwydr, lladdodd y brodyr ei gilydd.
Mae Poluneices yn gymeriad canolog yng y Gylchred Thebaidd, sef cylch o straeon enwog yn yr Hen Roeg. Mae ei stori yn ganolog i'r tair drama drasig o'r 5ed ganrif CC gan Soffocles a elwir yn y Tair Drama Thebaidd: Oidipos Frenin, Oidipos yn Colonos ac Antigone, gyda'i farwolaeth a'i gladdu yn brif ysgogydd plot Antigone. Mae hefyd yn ymddangos yn amlwg yn Y Thebaid drama Aischylos Saith yn Erbyn Thebai, a'r gerdd Y Thebiaid gan Statios. Roedd y stori a'i gymeriad hefyd o ddiddordeb i athronwyr Groeg yr Henfyd, a chafodd ei drafod gan Aristoteles,[2] Platon,[3] ac Epictetus.[4]
Cyfeiriadau
[golygu | golygu cod]- ↑ Hard, Robin (2004). The Routledge Handbook of Greek Mythology. Routledge. ISBN 0415186366.
- ↑ Aristotle, Nicomachean Ethics, 9.6.
- ↑ Plato, Second Alcibiades, 2.151b.
- ↑ Epictetus, Discourses, 2.22.