Platŵn

Oddi ar Wicipedia
Jump to navigation Jump to search

Uned filwrol dactegol yn y fyddin yw platŵn sydd yn cynnwys rhyw 20 i 50 o filwyr dan orchymyn lefftenant.[1] Dyma'r uned barhaol o filwyr leiaf ei faint sydd dan awdurdod swyddog â chomisiwn. Mae sawl platŵn yn ffurfio cwmni o droedfilwyr, magnelfa o fagnelwyr, neu farchoglu o farchfilwyr. Rhennir y platŵn yn ddau neu fwy o adrannau neu sgwadiau, dan arweiniad swyddogion digomisiwn.[2] Yn ôl diffiniadau NATO o esielonau ar gyfer lluoedd y tir, trefniant sydd yn fwy nag adran fach (section) ac yn llai na chwmni yw platŵn, a ddynodir gan symbol y tri ysmotyn (●●●).[3]

Platŵn Reifflwyr Sam Houston yn Texas (1939).

Ymddangosodd y gair Saesneg platoon yn yr 17g i gyfeirio at lu bychan o fysgedwyr a fyddai'n saethu ar y cyd, bob yn ail â chriw arall a fyddai'n ail-lenwi eu mysgedau ar y pryd.[2] Daw'r gair yn y bôn o'r Ffrangeg peloton, sef pelen.[4] Yn y 18g cafodd bataliynau eu trefnu yn aml yn 16 o blatynau, a chanddynt ryw 24 o saethwyr yr un, ac hefyd dau neu bedwar platŵn o grenadwyr neu droedfilwyr ysgeifn. Diflannodd y platŵn yn y Fyddin Brydeinig wrth i'r mysgedwr ildio'i swyddogaeth i'r reifflwr, ond defnyddiwyd yr enw gan Fyddin yr Unol Daleithiau trwy gydol y 19g i gyfeirio at hanner cwmni. Ailgyflwynwyd yr enw platŵn i'r Fyddin Brydeinig ym 1913.[2]

Gweler hefyd[golygu | golygu cod y dudalen]

  • Platoon, ffilm ryfel Americanaidd o 1986

Cyfeiriadau[golygu | golygu cod y dudalen]

  1.  platŵn. Geiriadur Prifysgol Cymru. Adalwyd ar 30 Mai 2021.
  2. 2.0 2.1 2.2 (Saesneg) Platoon. Encyclopædia Britannica. Adalwyd ar 29 Mai 2021.
  3. (Saesneg) "NATO Joint Military Symbology APP-6(C)", NATO (Mai 2011). Adalwyd ar Wayback Machine ar 29 Mai 2021.
  4. (Saesneg) "platoon", Merriam-Webster. Adalwyd ar 30 Mai 2021.