Pinyp

Pinyp

Enghraifft o:	galwedigaeth, galwedigaeth
Math	model, eilun Japaneaidd, model hanner noeth
Dynodwyr
Freebase	/M/01p5_g
Ffeiliau perthnasol ar Gomin Wicimedia

Cynrychiolaeth o fenyw wedi'i lluniadu neu ei ffotograffio, mewn ystum deniadol neu rhywiol, yw pinyp. Defnyddiwyd y gair Saesneg pin-up gyntaf yn 1941. Yn ystod yr Ail Ryfel Byd byddai Americanwyr a oedd yn gwasanaethu yn y lluoedd arfog yn addurno eu lletyau â phosteri o ferched ifanc deniadol. Bydden nhw'n gosod y posteri ar waliau a loceri â phinnau (felly "pin up"). Fel arfer, roedd y delweddau'n dangos merched llawen, gwenu, mewn gwisg denau. Yn aml roedd delweddau o'r math hwn yn cael eu peintio ar ochrau awyrennau fel symbolau o lwc dda. Yn y cyfnod modern, estynnwyd y ffasiwn ar gyfer pinups i ddynion, yn bennaf modelau gwrywaidd a sêr pop.

Roedd nifer o artistiaid yn arbenigo mewn creu delweddau o'r math hwn, a'r mwyaf adnabyddus ohonynt oedd Alberto Vargas.

Parhaodd yr arddull gelf i fod yn boblogaidd trwy gydol y 1950au, ond cafodd ei ddisodli i raddau helaeth o'r 1960au ymlaen gan ddelweddau mwy rhywiol, fel y rhai yng nghylchgrawn Playboy.

Yn fwy diweddar, defnyddiwyd yr enw "pinyp" i nodi unigolion, benywaidd a gwrywaidd, sy'n cael eu hystyried yn ddeniadol yn gorfforol.

Oriel

• 
  Yr actores ffilmiau Betty Grable mewn ystum nodweddiadol (1943)
• 
  Pinyp o Ann Miller yn Yank, The Army Weekly (1943)
• 
  Merch pinyp wedi'i phaentio ar ochr awyren Lockheed P-38 Lightning
• 
  Ryan Gosling, pinyp gwrywaidd (2018)
• 
  Harry Styles (2023)

Llyfryddiaeth

• Dian Hanson, The Art of Pin-up (Cwlen: Taschen, 2014)