Pervez Musharraf
| Pervez Musharraf | |
|---|---|
 | |
| Ganwyd |
11 Awst 1943  Delhi |
| Man preswyl |
Delhi, Karachi, Ankara |
| Alma mater |
|
| Galwedigaeth |
gwleidydd, ariannwr, person milwrol |
| Swydd |
President of Pakistan, Prif Weinidog Pakistan, Defence Minister of Pakistan, Chief of Army Staff, Chairman Joint Chiefs of Staff Committee |
| Cyflogwr |
|
| Plaid Wleidyddol |
Pakistan Muslim League (Q) |
| Gwobr/au |
Sitara-i-Imtiaz, Order of Zayed, Nishan-e-Imtiaz, Tamgha-e-Basalat, Imtiazi Sanad, Urdd Abdulaziz al Saud |
Pervez Musharraf (Urdu: پرويز مشرف) (ganed 11 Awst 1943) yw cyn-arlywydd Pacistan, a chyn Pennaeth Staff Byddin Pacistan. Daeth i rym yn 1999 trwy drefnu a gweithredu coup d'état milwrol ac mae wedi rhoi heibio cyfansoddiad Pacistan ddwywaith; ers hynny, mae wedi cael ei gefnogi'n ymarferol (trwy gymorth milwrol ac ariannol) gan wledydd y Gorllewin gan gynnwys yr Unol Daleithiau. Cipiodd Musharraf rym ar 12 Hydref, 1999, gan droi allan Nawaz Sharif, Prif Weinidog etholedig y wlad, cafodd wared ar y cyrff deddfwriaethol cenedlaethol a thaleithiol, cymerodd iddo'i hun y teitl o Brif Weithredwr a daeth felly'n arweinydd de facto llywodraeth Pacistan, y pedwerydd pennaeth milwrol yn hanes y wlad i wneud hynny. Yn ddiweddarach, yn 2001, apwyntiodd Musharraf ei hun i swydd Arlywydd Pacistan.
Ar 3 Tachwedd, 2007, ddyddiau yn unig cyn i Brif Lys Pacistan benderfynu ei barn ar ddeiseb a heriodd ddilysrwydd cyfansoddiadol ei ail-ethol yn arlywydd yn etholaethau dadleuol Hydref 2007, rhoddodd Musharraf heibio'r cyfansoddiad eto, arestiodd sawl barnwr a chyfreithiwr o'r Prif Lys, yn cynnwys y Prif Farnwr Iftikhar Muhammad Chaudhry, gorchmynodd arestio gwrthwynebwyr gwleidyddol ac ymgyrchwyr dros hawliau dynol, a chaeodd bob sianel teledu preifat. Cyhoeddodd stâd o argyfwng yn y wlad. Ymddiswyddodd Musharraf fel arlywydd ar 18 Awst 2008.
|
