Percy Thomas

Oddi ar Wicipedia
Jump to navigation Jump to search
Percy Thomas
Ganwyd 13 Medi 1883 Edit this on Wikidata
Bu farw 19 Awst 1969 Edit this on Wikidata (85 oed)
Dinasyddiaeth Baner Cymru Cymru
Galwedigaeth Pensaer Edit this on Wikidata
Gwobr/au Royal Gold Medal Edit this on Wikidata
Guildhall Abertawe
Comin Wikimedia
Mae gan Gomin Wikimedia
gyfryngau sy'n berthnasol i:

Pensaer o dras Cymreig a fu'n gweithio'n helaeth yng Nghymru oedd Syr Percy Edward Thomas (12 Medi 188317 Awst 1969). Roedd yn lywydd Sefydliad Brenhinol Penseiri Prydain (RIBA) ar ddau achlysur, ym 1935–7 a 1943–6.

Fe'i ganwyd yn South Shields, Swydd Durham, yn fab i Christmas Thomas, gapten llong o Arberth, Sir Benfro, a'i wraig Cecilia (Thornton gynt). Dychwelodd y teulu i Gymru pan oedd Percy yn ddeg oed, wedi'u denu gan y diwydiant glo. Ym 1903, enillodd Percy Thomas y wobr pensaerniaeth yn Eisteddfod Genedlaethol y flwyddyn honno. Ym 1911 enillodd gystadleuaeth, ar y cyd â'i ffrind, Ivor Jones o Gaerdydd, i gynllunio'r Coleg Technegol ym Mharc Cathays, Caerdydd (rhagflaenydd Prifysgol Fetropolitan Caerdydd). Adwaenir yr adeilad hwn bellach fel Adeilad Bute, ac mae'n rhan o Brifysgol Caerdydd. Yn ystod y Rhyfel Byd Cyntaf, ymladdodd ym Mrwydr y Somme. Pan ddychwelodd o'r fyddin, cynlluniodd dafarnau ar gyfer S. A. Brain. Yn y 1930au, cynlluniodd ei weithiau pwysicaf, gan cynnwys Guildhall Abertawe, y Deml Heddwch yng Nghaerdydd a nifer o adeiladau Coleg Prifysgol Aberystwyth. Bu farw yn ei gartref yn Llanisien, Caerdydd, ym 1969.

Rhai o'i weithiau[golygu | golygu cod y dudalen]