Percy Mansell Jones

Percy Mansell Jones
Ganwyd	11 Ebrill 1889  Caerfyrddin
Bu farw	24 Ionawr 1968
Dinasyddiaeth	Cymru
Alma mater	Prifysgol Aberystwyth Coleg Balliol, Rhydychen
Galwedigaeth	romanist, ysgolhaig llenyddol, academydd, ysgrifennwr
Cyflogwr	Prifysgol Manceinion
Tad	Arnaud Johnson Jones
Mam	Mary Bryon

Roedd Percy Mansell Jones (11 Ebrill 1889 – 24 Ionawr 1968) yn Athro Ffrangeg o Gymru.

Ganwyd Percy yng Nghaerfyrddin yn fab i Arnaud Johnson Jones a'i wraig. Dechreuodd ei addysg yn Ysgol Ramadeg y Frenhines Elizabeth yng Nghaerfyrddin cyn mynd ymlaen i ennill gradd anrhydedd o'r radd flaenaf yn Ffrangeg ym 1908 ym Mhrifysgol Aberystwyth. Yn ddiweddarach aeth ymlaen i ennill gradd meistr. Ar ôl ei gyfnod yn Aberystwyth, mynychodd Goleg Balliol, Rhydychen, lle enillodd B.Litt.

Daeth yn ddarlithydd mewn gwahanol brifysgolion, gan arbenigo mewn llenyddiaeth a hanes Ffrengig a barddoniaeth Ffrengig fodern. Fe gafodd swydd fel darlithydd ym Mhrifysgol Aberystwyth, Coleg Prifysgol De Cymru, Prifysgol Caergrawnt a Chaerdydd. Fe'i penodwyd yn Athro Ffrangeg ym Mhrifysgol Bangor ym 1937 ac aeth ymlaen i gynnal swydd yr Athro Llenyddiaeth Ffrengig Fodern cyntaf ym Mhrifysgol Manceinion ym 1951. Ym 1960, cafodd ei anrhydeddu a Gradd Anrhydedd D.Litt o Brifysgol Cymru, a ddyfarnwyd iddo yn fuan wedi iddo ymddeol.

Roedd Percy Jones yn arbenigo mewn barddoniaeth modern Ffrengig a oedd yn darparu sensitifrwydd a dealltwriaeth naturiol i wahanol feirdd Ffrengig. Er enghraifft, bu'n astudio beirdd fel Emile Verhaeren a Baudelaire. Amlygir hyn yn ei lyfr The Oxford Book of French Verse, a gyhoeddwyd ym 1957. Yn ogystal ag angerdd am farddoniaeth Ffrengig, ysgrifennodd amryw o draethodau sy'n tynnu sylw at ei ddiddordeb mewn deall meddyliau Ffrangeg a materion cyfoes. Y traethodau hyn yw: French Introspectives (1937), The Background of Modern French Poetry (1951) a Tradition and Barbarism (1930).

Bu farw ar 24 Ionawr 1968.