Pedro Castillo

Oddi ar Wicipedia
Pedro Castillo
Ganwyd19 Hydref 1969 Edit this on Wikidata
Puña Edit this on Wikidata
Alma mater
  • Cesar Vallejo University
  • Cesar Vallejo University
  • Octavio Matta Contreras Higher Pedagogical Institute Edit this on Wikidata
SwyddPresident of Peru Edit this on Wikidata
Plaid WleidyddolPossible Peru, Free Peru Edit this on Wikidata
PriodLilia Paredes Edit this on Wikidata
Gwobr/autorch mawr Gorchymyn Condor yr Andes Edit this on Wikidata
llofnod

Mae José Pedro Castillo Terrones (ganwyd 19 Hydref 1969), a elwir yn Pedro Castillo, yn undebwr llafur a gwladweinydd o Beriw, a anwyd ym 1969 yn Puña, talaith Chota, Periw. Mae wedi bod yn Arlywydd Gweriniaeth Periw ers 28 Gorffennaf 2021.

Roedd ei fagwraeth yn un dlawd, wledig. Mae'n athro wrth ei alwedigaeth ac roedd yn un o arweinwyr streic athrawon cenedlaethol wnaeth bara bron i dri mis yn 2017.

Yn ystod etholiad arlywyddol Periw yn 2021, fo oedd ymgeisydd y blaid Perú Libre, plaid sy'n arddel Marcsiaeth-Leniniaeth, er nad yw'n aelod o'r blaid. Yn ail rownd yr etholiad, roedd benben â Keiko Fujimori, poblyddwr asgell dde. Etholwyd Castillo gyda 50.1% o'r bleidlais, a hynny wedi 6 wythnos o ail-gyfri.

Mae'n arddel safbwyntiau'r chwith radical o ran yr economi a pholisi tramor, ond safbwyntiau ceidwadol o ran materion cymdeithasol.

Gyrfa gwleidyddol[golygu | golygu cod]

Yn 2017, yn ystod streic yn erbyn newidiadau i'r system addysg gan y Llywodraeth ar y pryd, daeth Castillo i'r amlwg fel un o brif lefarwyr mudiad y streic ar lawr gwlad.[1] Yn dilyn llwyddiant y streic, mudiad y magisterio yn hytrach na phlaid wleidyddol oedd sail cefnogaeth Castillo. Yn sgil hyn, gofynnodd y blaid Perú Libre iddo fod yn ymgeisydd.[1]

Mae ganddo ddaliadau cymdeithasol ceidwadol: mae'n gwrthwynebu erthyliad a hawl pobl hoyw i briodi.[1]

Cyfeiriadau[golygu | golygu cod]

  1. 1.0 1.1 1.2 Migus, Romain (2021-09-01). "Au Pérou, deux mondes face à face". Le Monde diplomatique (yn Ffrangeg). Cyrchwyd 2021-09-25.