Pedro Antonio de Alarcón

Pedro Antonio de Alarcón
Ffugenw	Pedro Antonio de Alarcón, Pedro A. de Alarcón
Ganwyd	Pedro Antonio Joaquín Melitón de Alarcón y Ariza  10 Mawrth 1833  Guadix
Bu farw	19 Gorffennaf 1891  Madrid
Man preswyl	Calle de Atocha
Dinasyddiaeth	Sbaen
Alma mater	Prifysgol Granada
Galwedigaeth	bardd, ysgrifennwr, newyddiadurwr, gwleidydd, dramodydd, diplomydd
Swydd	Aelod o Gyngres Dirprwyon Sbaen, Aelod o Senedd Sbaen, llysgennad
Arddull	nofel, theatr
Plaid Wleidyddol	Liberal Union
Mudiad	realaeth
Partner	Enriqueta Lozano

Nofelydd, bardd, dramodydd, a newyddiadurwr Sbaenaidd yn yr iaith Sbaeneg oedd Pedro Antonio de Alarcón y Ariza (10 Mawrth 1833 – 10 Gorffennaf 1891) sy'n nodedig am ei nofel El sombrero de tres picos (1874).

Ganed yn Guadix, Granada, a chychwynnodd ei yrfa lenyddol yn newyddiadurwr ac yn fardd. Cafodd fethiant gyda'i ddrama El hijo pródigo (1857), ac aeth yn filwr yn ymgyrch Moroco yn 1859–60. Ysgrifennodd Diario de un testigo de la guerra de Africa (1859) am ei brofiadau.

Dychwelodd i Sbaen a daeth yn olygydd y cyfnodolyn gwrthglerigol El Látigo. Ystyrir ei waith amlycaf, y nofel fer El sombrero de tres picos, yn glasur o ffuglen costumbrismo. Ymhlith ei nofelau eraill mae El final de Norma (1855), El escándalo (1875), ac El niño de la bola (1880). Bu farw yn Valdemoro, ger Madrid, yn 58 oed.