Noel James

Oddi ar Wicipedia
Jump to navigation Jump to search
Noel James
Ganwyd Rhagfyr 1965 Edit this on Wikidata
Abertawe Edit this on Wikidata
Dinasyddiaeth Baner Cymru Cymru
Galwedigaeth digrifwr stand-yp Edit this on Wikidata

Digrifwr o Gymro yw Noel Wyn James (ganwyd Rhagfyr 1965). Fe'i magwyd ym Mhontardawe. Mae'n perfformio yn Gymraeg a Saesneg mewn arddull stand-yp swreal.

Astudiodd am radd Ffiseg ym Manceinion. Bu'n athro cyn dod yn ddigrifwr llawn amser.[1]

Mae wedi perfformio comedi ar draws gwledydd Prydain yn rhai o'r clybiau a gŵyliau mwyaf, gan gynnwys Reading, a Gwyl Caeredin. [2]

Ysgrifennodd a pherformiodd yn y sioe sgets Giamocs ar S4C yn 1995. Enwebwyd y sioe ar gyfer gwobr Rose of Montreaux y flwyddyn honno. Ymddangosodd hefyd ar y gyfres gomedi stand-yp Gwerthu Allan yn 2014. Perfformiodd ar y rhaglen gomedi Pedwar yn 2015.[3]

Britain's Got Talent[golygu | golygu cod y dudalen]

Yn 2018, enillodd le ar sioe Britain's Got Talent ar ITV gan ennill clod y beirniaid. Yn y rownd gynderfynol ar nos Iau, 31 Mai 2018, cyrhaeddodd y tri uchaf yn y bleidlais gyhoeddus. Roedd rhaid i'r beirniaid benderfynu rhwng cynnig lle yn y rownd derfynol iddo fe neu i Tim and Jack Goodacre, deuawd canu tad a mab. Pleidleisiodd y digrifwr David Walliams o'i blaid ond pleidleisiodd y lleill am yr act arall.[4]

Bywyd personol[golygu | golygu cod y dudalen]

Bu farw ei fam pan oedd yn 20 oed a bu farw ei dad yn 2013.[1]

Cyfeiriadau[golygu | golygu cod y dudalen]

  1. 1.0 1.1 Surreal stand-up Noel James on the heartache behind the laughter (en) , WalesOnline, 11 Mawrth 2013. Cyrchwyd ar 1 Mehefin 2018.
  2. (Saesneg) Glee Club - Noel James. Adalwyd ar 1 Mehefin 2018.
  3. Pedwar
  4. So close! Noel James misses place in Britain's Got Talent final (en) , chortle.co.uk, 31 Mai 2018. Cyrchwyd ar 1 Mehefin 2018.

Dolenni allanol[golygu | golygu cod y dudalen]