Newydd Bob Nos

Newydd Bob Nos

Enghraifft o:	rhaglen deledu, comedi
Gwlad	Cymru
Dechreuwyd	1982
Iaith wreiddiol	Cymraeg, Saesneg
Dynodwyr

Cyfres gomedi oedd Newydd Bob Nos ac fe'i disgrifir fel "drama gomedi". Fe'i darlledwyd ar S4C ym 1982. Roedd y gyfres yn olrhain hanes Desg Newyddion ar sianel ddychmygol o'r enw "Sianel 9". Comisiynwyd 13 pennod 30 munud gan y sianel, yn ei blwyddyn gyntaf o ddarlledu, ar y cyd â fersiwn Saesneg ar gyfer Channel 4, Night Beat News.

Cyfarwyddydd y gyfres oedd Jan D-Smith a'r cynhyrchydd a'r sgript dan ofal Peter Miller.

Esboniwyd cefndir y rhaglen gan Euryn Ogwen Williams, Pennaeth Rhaglenni cyntaf S4C. Cyflwynwyd y syniad i S4C a Channel 4 gan gwmni cynhyrchu W.P. Productions o Lundain. Penderfynodd y ddau ddarlledwr gydweithio i greu fersiwn Gymraeg a fersiwn Saesneg, oherwydd y tu allan i'r BBC a HTV nid oedd traddodiad o gomedi ymhlith y sector annibynnol. Dywedodd Euryn fod yna, ar y pryd, "lawer o unigolion oedd eisiau dechrau cynhyrchu comedi, ac roedden ni'n teimlo bod angen eu hyfforddi, a'r hyfforddiant gorau oedd gweithio ar y rhaglen hon". Defnyddiwyd yr un cast o actorion ar y ddau fersiwn ac fe'u recordiwyd yn olynol. Barn Euryn oedd fod "y rhaglen o flaen ei hamser, heb fod yn wych."

Cadfan Roberts a Carys Llywelyn yn Newydd Bob Nos

Cast

• Timothy Bateson - Garfield
• Fraser Cains
• Nia Ceidiog - Vicky
• Grey Evans
• Owen Garmon
• Robin Griffith - Gareth
• Martin Griffiths
• Wyn Bowen Harries
• Jennifer Hill
• John Henry Hughes
• Branwen Iwan
• John Pierce Jones - Owen Lewis
• Richard Clay Jones
• Valmai Jones
• Carys Llewelyn - Monique
• Geoffrey Morgan - Arolygydd
• Christine Pritchard - Freda
• Lynn Rees - Derec
• Dewi Rhys
• Lowri-Ann Richards
• Cadfan Roberts - Emlyn
• Graham Stark
• Dyfed Thomas - David
• William Thomas - Greg Phillips