Nederrijn

Oddi ar Wicipedia
Jump to navigation Jump to search
Lleoliad y Nederrijn

Afon yn yr Iseldiroedd yw'r Nederrijn (Iseldireg am "y Rhein Isaf"). Mae'n un o ganghennau Afon Rhein.

Ceir dechreuad y Nederrijn ger Angeren, lle mae'n barhad o Gamlas Pannerden, sydd ei hun yn un o ganghennau Afon Rhein. Dechreua'r Nederrijn ychydig cyn i Afon IJssel ymwahanu ger Arnhem. Diwedda'r Nederrijn gerllaw Wijk bij Duurstede; oddi yno gelwir y brif afon yn Afon Lek a'r hen afon yn Kromme Rijn.

Yn 1530 dechreuwyd newid cwrs yr afon ger Arnhem, gan orffen y gwaith yn 1536. Y bwriad oedd sicrhau fod dinas Arnhem ar y brif afon, am resymau economaidd ac am y byddai'n haws ei hamddiffyn rhag y Sbaenwyr.